Thursday, January 27, 2011

ယောက်ျားနဲ့ မိန်းမ

Sian Massey
၂၄.၁.၂၀၁၁ တနင်္လာနေ့ မနက်ခင်းမှာ ဖတ်လိုက်ရသော သတင်းတစ်ပုဒ်က ကျွန်တော့်ကို တစ်နေ့လုံးနီးပါး အတွေးတွေထဲ နစ်မြုပ်နေစေခဲ့သည်။ Sky Sport ရုပ်သံက သူ့ရဲ့ ရုပ်သံတင်ဆက်သူ နှစ်ဦးကို နှုတ်မစောင့်စည်းမှုနဲ့ ရာထူးက ခေတ္တအနားပေးလိုက်သော သတင်းဖြစ်သည်။ ၀ုလ်ဗ်နဲ့ လီဗာပူးတို့ စနေနေ့က ကန်ခဲ့သော ပရီးမီးယားလိဂ် ဘောလုံးပွဲတွင် စည်းကြပ်ဒိုင်၏ မှားယွင်း ဆုံးဖြတ်ချက်တွေ အပေါ် မိုက်ပိတ်ထားချိန် နောက်ပြောင်ပြောဆိုသံတွေက တခြားတဖက် မိုက်ကတဆင့် ဘောလုံးပွဲ ကြည့်နေတဲ့သူတွေ အားလုံးကြားသွားတာကနေ ဒီအဖြစ် ပေါ်လာတာ ဖြစ်သည်။ ဒီလောက်ထိ ကြီးကျယ်သွားရတာက အဲဒီစည်းကြပ်ဒိုင် ဆီယန်မက်ဆေးက အမျိုးသမီး တစ်ယောက် ဖြစ်နေပီး၊ သူတို့ လှောင်ပြောင်မှုကလဲ အဲဒီအမျိုးသမီး ဖြစ်နေမှုအပေါ် ဦးတည်ပြောဆို သွားတာကြောင့် ဖြစ်သည်။

ကျွန်တော့်ကို စိတ်ဝင်စားသွား စေတာကတော့ ကျွန်တော်ကိုယ်တိုင်လဲ အဲဒီပွဲကိုကြည့်နေခဲ့ချိန်မှာ ပရီးမီးယားလိဂ်လို ပွဲကြီးမှာ အမျိုးသမီး စည်းကြပ်ဒိုင်ထားတဲ့ အပေါ်မှာလဲ အထူးတဆန်း စိတ်ဝင်စားခဲ့၊ ဒီစည်းကြပ်ဒိုင်ရဲ့ အမှားအယွင်းတွေ အပေါ်မှာလဲ အမျိုးသမီးဒိုင်တွေများ ညံ့လိုက်တာကွာ ဆိုသော ဝေဖန်အတွေးတွေ တွေးခဲ့သောကြောင့် ဖြစ်သည်။ ကိုယ်တိုင် ယူဆခဲ့တဲ့ ကောက်ချက်တွေနဲ့ ထပ်တူညီခဲ့တာကပဲ ထပ်ဆင့် အတွေးပွါးစရာတွေပါ ဖြစ်လာခဲ့ပါသည်။ ကိုယ့်ကိုယ်ကိုယ် ဆင်ခြေပေးရင် တွေးမိတဲ့ အတွေးတွေလဲ ဖြစ်ချင် ဖြစ်ပါလိမ့်မည်။

ခုခေတ်သည် ယောက်ျား၊ မိန်းမ အခွင့်အရေး၊ ရပိုင်ခွင့် ကွာခြားမှုစည်း ကျဉ်းသထက် ကျဉ်းလာသော ခေတ်ဖြစ်သည်။ မိန်းမများသည် ယောက်ျားများနှင့် နေရာတိုင်းနီးပါးတွင် ရင်ဘောင်တန်းလာကြပြီး မဟုတ်ပါလား။ ရင့်ကျက်သော လူ့အဖွဲ့အစည်း အသိုင်းအ၀ိုင်း တွေကလဲ ဒါကို အသေအချာ လက်ခံဖို့ ကြိုးစားကြသည်။ ခုလို sky sport က မိန်းမဒိုင် တစ်ဦးကို လှောင်ပြောင်ခြင်း အပေါ် ခြွင်းချက်မထား တုန့်ပြန်လိုက်တဲ့ သတင်းကပဲ လူ့အဖွဲ့အစည်းက မိန်းမတွေကို နှိမ့်ချတာ၊ ခွဲခြားတာကို လက်မခံဘူးဆိုတာရဲ့ ထင်ထင်ရှားရှား သက်သေတစ်ခု ဖြစ်သည်။

ဒါပေမဲ့ ကျွန်တော်တို့တွေ တကယ်ရော မခွဲမခြား လက်ခံနိုင်ကြ ပြီလား။ ယဉ်ကျေးမှုအရဖြစ်ဖြစ်၊ ဖြစ်သင့်တယ်ဆိုတဲ့ လက်ခံမှု အရဖြစ်ဖြစ် မဟုတ်ပဲ ယောက်ျားမိန်းမ တန်းတူမြင်ပေးနိုင်တဲ့စိတ် တကယ်ရော မွေးနိုင် ကြရဲ့လား။ ခု အဖြစ်မှာတောင် အင်မတန် ခက်ခဲလှသေးတယ်ဆိုတာ သိသာပါသည်။ ယဉ်ကျေးမှုအရ ခွဲခြားမှု ဆိုတာကြီး မရှိချင်ရောင် ဆောင်နေပေမဲ့ မိန်းမဘက်မှာရော ယောက်ျားဘက်မှာပါ ဒီခွဲခြားမှုဟာ ရှိနေသေးတာကို ဖော်ပြနေပါသည်။

အမျိုးသား စည်းကြပ်ဒိုင်တွေ၊ ဒိုင်လူကြီးတွေလဲ အမှားပေါင်း များစွာ လုပ်ခဲ့ဘူးကြတာပဲ မဟုတ်ဘူးလား။ လူကျွံဘောကို နားမလည်သော စည်းကြပ်ဒိုင်၊ ဂိုးဝင်တာကို မ၀င်ဘူးမှားတဲ့ စည်းကြပ်ဒိုင်၊ ပယ်နယ်တီကို မှားယွင်း ဆုံးဖြတ်တဲ့ စည်းကြပ်ဒိုင်၊ ဒါတွေကစလို့ မဆုံးနိုင်အောင် များပြားသော ဒိုင်အမှားများတွင် ကျွန်တော်တို့သည် ပယ်ပယ်နယ်နယ် ဝေဖန်ခဲ့ကြသည်။ ဒါပေမဲ့ ထိုဝေဖန်မှုတွေက ဒိုင်ရဲ့ အရည်အချင်းကို ဝေဖန်တာပဲ ဖြစ်သည်။ ညံ့ဖျင်းမှာယွင်းတဲ့ ဆုံးဖြတ်ချက်တွေကို ပြစ်တင် ဆဲဆိုတာပဲ ဖြစ်သည်။

အမျိုးသမီးဒိုင်တွေကြတော့ ကျွန်တော်တို့ အမြင်က အရင်ခံစားချက်တွေနဲ့ မတူလှတော့။ ဒီမှားယွင်းမှုတွေက အမျိုးသမီးဖြစ်သောကြောင့် ဆိုပီး အရည်အချင်းနှင့် မဆိုင်သော ဝေဖန်မှု အမြင်ကို မြင်ကြ၏။ သူမ၏ ညံ့ဖျင်းမှု၊ နားမလည်မှု၊ မှားယွင်းမှုတိုင်းသည် အမျိုးသမီးဖြစ်သောကြောင့် ဆိုသည့် အကြောင်းပြချက်နှင့် အလိုလို တွဲသွားကြသည်။ အမျိုးသမီးတွေကို တန်းတူအခွင့်အရေး ပေးပါသည် ဆိုပြီး ဒိုင်လူကြီး လုပ်ခွင့်ပေးတာကို အသိစိတ်က လက်ခံထားရသော်လည်း တဖက်ကတော့ ဒီစည်းကြပ်ဒိုင်ရဲ့ နားမလည်မှု မှားယွင်းမှုတွေကို အမျိုးသမီးဖြစ်နေခြင်း ဆိုတာနဲ့ ဆွဲတွေးကြ၏။ ဒါပေမဲ့ အမျိုးသမီးဒိုင် ဖြစ်နေသောကြောင့်လဲ အမျိုးသားဒိုင်များပြုလုပ်သော အမှားတွေကို တုန့်ပြန်သလိုတော့ ဒေါသတကြီး မဖြစ်မိပြန်ပါ။ ခွင့်လွှတ် ရီပွဲဖွဲ့နိုင်ခဲ့သည်။ ဒီဒိုင်ဟာ အမျိုးသမီးပဲ။ ဒီလောက်ကြီးတော့ ဘယ်သိမှာလဲ ဆိုသော လက်ခံစိတ်တွေ ရှိခဲ့ကြသည်။ အံ့သြောစရာက အဲဒီစိတ်တွေဟာ ကျွန်တော်တို့ ယောက်ျားတွေတင်မက မိန်းမတွေမှာပါ ရှိနေတာ ဖြစ်သည်။ သေချာတာတော့ ဒီအမျိုးသမီးဒိုင်ကို အမျိုးသားဒိုင်တွေလို မခွဲမခြား မြင်မပေးနိုင်ခဲ့ဘူး ဆိုတာပါပဲ။

ငါတို့တွေ တကယ်လက်မခံနိုင်ပဲ ဘာကြောင့် ဟန်ဆောင်နေကြတာပါလိမ့်.. ကျွန်တော် စဉ်းစားမိပါသည်။ လူ့အဖွဲ့အစည်းကြီး အဖို့တော့ လူသားအားလုံး သာတူညီမျှ မခွဲမခြားခြင်းသည် ကောင်းမွန်သော ဦးတည်ချက်ပင် ဖြစ်သည်။ လုပ်ရပ်တစ်ခုခုကြောင့် မဟုတ်ပဲ၊ စိတ်ဓါတ်စွမ်းဆောင်မှုကြောင့် မဟုတ်ပဲ လူတစ်ယောက်သည် အခြားလူတစ်ယောက်ထက် အလိုလိုနိမ့်ကျနေပါသည်၊ အလိုလို မြင့်မြတ်နေပါသည်ဆိုတာမျိုး မရှိသင့်တော့ပါ။ ယောက်ျားတွေ ဘက်က စဉ်းစားကြည့်ရင်လဲ အမျိုးသမီးတွေကို နေရာပေးပြီး သဘောထားကြီးမြတ်သော ပုရိသယောက်ျား အဖြစ်ကို ခံစားချင်သည့် ယောက်ျားစိတ်သည် တစ်ခု အပါအ၀င် ဖြစ်လိမ့်မည် ထင်ပါသည်။ ဒီနေရာမှာ မိန်းမတွေရဲ့ ခံစားမှုကိုတော့ ကျွန်တော် နားမလည်ပါ။ ယောက်ျားမျာနှင့် တန်းတူရင်ပေါင်တန်းနိုင်ပါတယ် ဆိုတဲ့ ကျေနပ်မှုတစ်ခုခု? ဖြစ်ချင်လည်းဖြစ်မည်။ တခြားအချက်တွေလဲ ရှိချင်ရှိမည်။

ဒီတော့ ယောက်ျားမိန်းမ မခွဲခြားခြင်းသည် ခေတ်သစ် လူ့အဖွဲ့အစည်း၏ သဘောထား ကြီးမြတ်မှု၊ တန်းတူညီမျှမှု၊ အမြင်ကျယ်မှု ဒါတွေရဲ့ ပြယုဒ် ဖြစ်လာခဲ့သည်။ အတွင်းစိတ်က မဟုတ်ပဲ ဟန်ဆောင်နေရတာကြောင့်လဲ တချို့နေရာတွေမှာ အရေးပေးမှုတွေက လိုတာထက် ပိုပိုသာသာ ဖြစ်နေရတာမျိုးလဲ ဖြစ်နိုင်ပါသည်။ ခုသတင်းကြေငြာသူ နှစ်ယောက်ဟာ အမျိုးသားဒိုင်တစ်ယောက်ကို ပုံစံတူ နောက်ပြောင်ရင်ကော၊ ခုလို အရေးယူမှုတွေ အကျယ်တ၀င့် ပေါ်လာပါ့မလား။ သိပ်တော့ မထင်လှပါ။

ခုသတင်းသည် ယောက်ျားမိန်းမ ခွဲခြားမှု နက်ရှိုင်းစွာ တည်ရှိနေတဲ့ ကျွန်တော်တို့ရဲ့ အတွင်းစိတ်၊ အဲဒါကို လက်မခံသင့်မှန်း၊ မှားယွင်းမှန်းသိပီး အတင်းဟန်ဆောင်ထားတဲ့ ပတ်ဝန်းကျင်စိတ် ဒီနှစ်ခုရဲ့ ပဋိပက္ခ သဘောမျိုး ဆောင်ပါသည်။ ဒါကြောင့်လဲ လူ့အဖွဲ့အစည်းဟာ သူကာကွယ် ဖုန်းဖိဖို့ ကြိုးစားထားတဲ့ အတွင်းစိတ်ရဲ့ သရုပ်မှန်ကို ဖော်ပြသလို ဖြစ်သွားတဲ့ ဒီဖြစ်ရပ်ကို လိုတာထက် ပိုပီး အတင်းကြောက်ကန်ကန် ပြင်းပြင်းထန်ထန် တုန့်ပြန်ခဲ့တာ မဟုတ်ဘူးလားလေ။

No comments: