ကျွန်တော်ကတော့ ဒေါ်အောင်ဆန်းစုကြည်၏ ဘာသာစကား ကျွမ်းကျင်မှုတွင် အင်္ဂလိပ်လို ကျွမ်းကျင်စွာ ပြောနိုင် ရေးနိုင်တာထက် မြန်မာလို ကျွမ်းကျင်စွာ ပြောနိုင်၊ ရေးနိုင်တာကို ပိုပြီး တအံ့တသြော သဘောကျသည်။ မူလတန်း၊ အလယ်တန်း၊ အထက်တန်း၊ ဘွဲ့ရသည်အထိ အင်္ဂလိပ်စကားပြောသော နိုင်ငံများတွင် လေ့လာသင်ကြား ကြီးပြင်းခဲ့သူ တစ်ယောက်အတွက် အင်္ဂလိပ်စကားသည် မိခင်ဘာသာစကား ဖြစ်နေသည်မှာ မဆန်းပါ။ ဒါပေမဲ့ ကျွန်တော်တွေ့ဘူးထားသော နိုင်ငံခြားရောက်တာ ကြာလို့ မြန်မာလိုတောင် သိပ်မပြောနိုင်တော့ဘူး ဆိုသော သူတွေ... နိုင်ငံခြားမှာ ကျောင်းထားတော့ ကလေးတွေလဲ မြန်မာလို မပြောတတ်၊ မဖတ်တတ်တော့ပါဘူး ဆိုသော မိသားစုတွေ... သူတို့ရဲ့ မြန်မာလို လုံးဝ မဖတ်တတ်သော၊ မြန်မာ စကားကို ကြိုးစား ပမ်းစား ၀ဲတဲတဲနှင့် တစ်လုံးတစ်လုံး ထွက်အောင် မနဲပြောနေကြရသော သားသမီးတွေ... အဲလို ပြည်ပရောက် မြန်မာမိသားစုတွေနှင့် ဒေါ်စု၏ မြန်မာဘာသာစကား စွမ်းရည်နှိုင်းယှဉ် မိသောအခါ ကျွန်တော့်ကို အံ့သြောကျေနပ် စေသည်။ ပြီးတော့ သွားလေသူ ဒေါ်စု၏ မိခင်ကြီး ဒေါ်ခင်ကြည်ကိုလဲ လေးစားစိတ် ဖြစ်ပေါ်ရပါသည်။
 |
| မြန်မာ့သင်ပုန်းကြီး ဖတ်စာအုပ်မှ |
နိုင်ငံခြားတွင် အခြေချနေထိုင်ကြသော မြန်မာမိသားစုတွေ အဖို့ ကလေးတွေသည် မြန်မာစာနှင့် စကားကို အလိုအလျောက် တတ်မြောက်လာမည့် အခွင့်အရေး မရှိကြ၊ ကြီးလာမှ သူတို့ဘာသာ လေ့လာလိုစိတ် ပေါ်နိုင်ဖို့ကလဲ နဲပါးလှသည် မဟုတ်လား။ ဒီတော့ ကလေးတွေရဲ့ မြန်မာ ဘာသာစကား ပြောနိုင်၊ ရေးနိုင်ဖို့အတွက် မိဘတွေက သင်ကြားပေးကြရတော့မည်။ မအားလပ်ရသည့်ကြားထဲ အလုပ်တစ်ခုလို အချိန်တွေပေး၊ တကူးတက လုပ်ကြရတော့မည်။ ရေတိုလဲမဟုတ်။ ဆယ်စုနှစ်နဲ့ ချီပြီးကို သွားရမည့် ခရီးရှည်ကြီး ဖြစ်သည်။ ဒါကြောင့်လဲ တော်တော်များများ လက်မြှောက်အရှုံးပေးကာ လက်လျော့ခဲ့ကြတာ ဖြစ်ပါလိမ့်မည်။ ရှည်လျားလှသော တကူးတက တာဝန်ကြီး တစ်ခုကို ယူဖို့ဆိုတာ မိဘတွေ၏ မိမိ ဘာသာစကားအပေါ် ခံယူချက်နှင့် အလေးထားမှု ဘယ်လောက် စိတ်ထက်သန် သလဲ ဆိုတာအပေါ် အများကြီး မူတည်နေပါလိမ့်မည်။ တန်ဖိုးထား စိတ်ထက်သန်မှု၏ တွန်းအား မရှိပါပဲ နှစ်ရှည်လများ သင်ကြားပေးဖို့တော့ ဖြစ်နိုင်မည်မထင်ပါ။
ဒါကြောင့်လဲ ဒေါ်အောင်ဆန်းစုကြည်၏ မြန်မာစကား အရည်အချင်းအတွက် ဒေါ်စုကို သဘောတကျ ချီးကျူးရုံမက သွားလေသူ မိခင်ကြီး ဒေါ်ခင်ကြည်၏ အားစိုက်သွန်သင်မှုနှင့် ဘာသာစကားအပေါ် တန်ဖိုးထားသည့် စိတ်ဓါတ်ကို ကျွန်တော် ခံစားရသည်။ မြတ်နိုးလေးစားမိသည်။ ခုလို ရေကြည်ရာ မြက်နုရာ ရှာရင်း နိုင်ငံရပ်ခြားတွင် မိသားစုဘ၀ တည်ထောင်လို့ အခြေချ နေထိုင်လာကြသူတွေ များလာချိန်မှာ ဒီမိခင် ဒီသမီးသည် မြန်မာဘာသာစကား အတွက်လဲ စံပြထားရမည့် သားအမိ ဖြစ်သည်ဟု မြင်သည်။
မိဘတွေအနေဖြင့် သားသမီးများ မိမိဘာသာစကား တတ်မြောက်ရေးအတွက် အားထုတ်သင့်သည်ဟုလဲ ကျွန်တော် ယုံကြည်ပါသည်။
- ကိုယ်တိုင်ရော၊ ကိုယ့်မိဘဘိုးဘွား ဆွေစဉ်မျိုးဆက်ပါ ပြောဆိုရေးသားခဲ့သော ဘာသာစကား တစ်ခုကို မိမိသားသမီး ပြောဆိုရေးသားနိုင်ဖို့ဆိုတာ မဖြစ်မနေ ကိစ္စတစ်ခု မဟုတ်သော်လဲ ဖြစ်သင့်သည့် ကိစ္စတော့ ဖြစ်သည်။
- တကူးတကကြီး ဖြစ်နေသော်လဲ မိမိအချိန်ကို စီမံခန့်ခွဲပြီး နေ့တနေ့၏ မများလှသော အချိန်ပေးရုံနှင့် သားသမီးသည် ဘာသာစကား တစ်ခုကို ကျွမ်းကျင်စွာ တတ်မြောက်သွားမည့် အခွင့်အရေးကလဲ အရှုံးမရှိတဲ့ အခွင့်အရေးပဲ ဖြစ်ပါသည်။
- နိုင်ငံအသစ်တွင် မွေးဖွားခဲ့ပြီး ထိုနိုင်ငံသား ဖြစ်လာနိုင်သော်လဲ လူမျိုးရေးအရ ဒုတိယနိုင်ငံသား အနေအထားတွင်သာ ရှိမည့် မိမိသားသမီးသည် မြန်မာမြေမှ ထုနှင့်ထည်နှင့် မြန်မာဆွေမျိုး အသိုင်းအ၀ိုင်းဖြင့် ရင်းနှီးနွေးထွေး ကျွမ်းဝင်စွာ ပြောဆိုဆက်ဆံ ပေါင်းသင်းနိုင်ခြင်းကလဲ ကိုယ့်အတွက်ကော၊ သားသမီးအတွက်ပါ ကျေနပ်စရာ ဖြစ်လိမ့်မည်။
- ပြီးတော့.. ဒီသားသမီးရဲ့ မြန်မာစကား တတ်သင့် မတတ်သင့်ဆိုတဲ့ ရွေးချယ်မှုသည် ကိုယ့်အပေါ် လုံးလုံးမူတည်ပြီး ကိုယ်ချမှတ်နိုင်စွမ်း အပြည့်ရှိသော လမ်းကြောင်းတစ်ခုလဲ ဖြစ်နေ၏။
ဒါကြောင့်လဲ.. ပြည်ပရောက် မြန်မာမိသားစုများသည် မိမိရင်သွေး မြန်မာစာ မြန်မာစကား ပြောနိုင် ရေးနိုင် ဖတ်နိုင်ဖို့အတွက် အလေးတယူ စိတ်အားထက်သန်မှု ရှိကြဖို့ တိုက်တွန်းချင်ပါသည်။ ဘာသာစကား တစ်ခု တတ်မြောက်ခြင်းက ဘယ်သောအခါမှ အရှုံးမရှိသည့်အပြင် စီးပွားရေး၊ လူမှုရေး၊ အဆုံးစွန် နိုင်ငံရေးအထိပါ လိုအပ်တဲ့အခါ အသုံးပြုနိုင်မဲ့ စွမ်းရည်လဲ ဖြစ်၏။ ၀န်ထုပ်ဝန်ပိုးနှင့် ရှည်လျားသော ခရီးတော့ ဖြစ်ပါလိမ့်မည်။ ဒါပေမဲ့ ခက်ခဲလွန်းပြီး မဖြစ်နိုင်တဲ့ ကိစ္စတော့ မဟုတ်ပါချေ။
သုတ
1 comment:
အရင်က ကွန်မန့်ပေးလို့မရဘူးနော်... ခုရလို့ ၀မ်းသာပါတယ်... ဦးသုတ အတွေးနဲ့ မဗေဒါရဲ့ ခံယူချက်တစ်ထပ်တည်းကျပါတယ်... ဒီနိုင်ငံမှာ မြန်မာမိဘတွေကမွေးပြီး ကလေးက မြန်မာလိုတောင်မပြောတတ်တာတွေ၊ မြန်မာစကားပြောရမှာပဲ ရှက်စရာလိုလိုဖြစ်နေတာတွေ မဖြစ်သင့်ပါဘူး... စာပေတစ်ခု၊ ဘာသာစကားတစ်ခုဖန်တီးဖို့ဆိုတာ သမိုင်းနဲ့ချီကြာမြင့်ပြီး ကိုယ့်လူမျိုးဟာ သမိုင်းဝင်ယဉ်ကျေးမှုရှိတဲ့သူဆိုတာကို အဲလိုမိဘတွေနားလည်စေချင်တယ်...
Post a Comment