လက္

အေမဟာ စင္ကာပူ စေရာက္ထဲကိုက တကယ့္ ကေလးေလးလိုပါပဲ..

ကၽြန္ေတာ္ေျပာသမွ် နားေထာင္တယ္.. ကၽြန္ေတာ္သြားဆိုတဲ့ ေနရာကိုသြားတယ္.. ကၽြန္ေတာ္ေကၽြးတဲ့ အစားကိုစားတယ္.. လူေတြၾကားထဲမွာ ကၽြန္ေတာ့္လက္ကို အားကိုးတႀကီး ဆြဲထားတတ္တဲ့ အေမ.. သားျဖစ္သူရဲ႕ မေတာက္တစ္ေခါက္ အဂၤလိပ္စကား ေျပာတာေတြကို အထင္ႀကီးတဲ့ ေက်နပ္တဲ့ မ်က္လံုးေတြနဲ႔ ၾကည့္တတ္တဲ့ အေမ.. ကၽြန္ေတာ္ရွင္းျပေနတဲ့ ဆန္တိုဆာအေၾကာင္း.. မာလိုင္းယင္းအေၾကာင္း.. ကာဆီႏိုအေၾကာင္းေတြကို စိတ္၀င္တစား နားေထာင္ဖို႔ထက္ ငါ့သားက ေတာ္ေတာ္သိတဲ့ လူတတ္ႀကီးပဲဆိုပီး သေဘာတက် ရွိတတ္တဲ့ အေမဟာ တကယ့္ကို ကေလးေလးလုိပါပဲ..

ရံုးသြားေနခ်ိန္ တစ္ေယာက္ထဲ မပ်င္းရေအာင္ဆိုပီး Shwedream က ျမန္မာရုပ္ရွင္ ဖြင့္ပံုဖြင့္နည္းကို တစ္ပတ္ေလာက္ သင္ေပးတာေတာင္ ေယာင္၀ါး၀ါး ျဖစ္ေနေသးတဲ့.. စက္ေလွကားတက္ဖို႔ လက္ဖ်ားေျခဖ်ား ေအးစက္ေအာင္ ေၾကာက္ပီး ေပကတ္ကတ္ မတက္ပဲ ရပ္ေနတတ္တဲ့ အခ်ိန္ေတြမွာ စိတ္မရွည္စြာ ၿငီးျငဴတတ္တဲ့ သားျဖစ္သူအႀကိဳက္ ႀကိဳးစားေပးတတ္တဲ့ အေမဟာ တကယ့္ကို ကေလးေလးပါပဲ..

ဒီေတာ့လဲ အေမ့ကို ဟုိပို႔ ဒီပုိ႔ ပို႔... အသစ္အဆန္းေလးေတြ ေကာင္းႏိုးရာရာေလးေတြ ေကၽြးေနတဲ့ အခ်ိန္ေတြမွာ.. အေမ ငါ့ကို ငယ္ငယ္တုန္းက ျပဳစုေစာင့္ေရွာက္သလို ငါလဲ ျပန္လုပ္ေပးေနႏိုင္ပါလား.. ခုငါပို႔ေပးတဲ့ ေနရာေတြ.. ငါေကၽြးတဲ့ အစားအေသာက္ေတြက အေမတို႔ လုပ္ေပးတုန္းကထက္ေတာင္ ပိုေကာင္းေသးတယ္ (ကၽြန္ေတာ့္အထင္) ဆိုတဲ့ အေတြးေတြ.. ခုပဲ မိဘေက်းဇူးဆုိတာကို အေၾကပဲ ဆပ္ပစ္ေနႏိုင္သလို ခံစားခ်က္ေတြနဲ႔ ခပ္ေျမာက္ေျမာက္ သားတစ္ေယာက္ ကၽြန္ေတာ္ျဖစ္ခဲ့တယ္ ဆိုပါေတာ့..

ဒါေပမဲ့ သိပ္မၾကာခင္မွာပဲ အျဖစ္ပ်က္ေလး တစ္ခု တိုက္တိုက္ဆိုင္ဆိုင္ ျဖစ္ခဲ့ပါတယ္.. အဲဒီအျဖစ္ဟာ နဲနဲ အပ်က္သေဘာ ဆန္ေပမဲ့ ကၽြန္ေတာ့္ရဲ႕ အသိအေတြးေတြ ထိန္းမတ္သြားေစ တာမို႔ ကံေကာင္းမႈဆိုလဲ မမွားပါဘူး..

အဲဒီေန႔က အျပန္မိုး ေတာ္ေတာ္ခ်ဳပ္ပါတယ္.. တေနကုန္နီးနီး လည္ပတ္ၿပီး ျပန္လာတာမို႔ သားအမိႏွစ္ေယာက္လံုးလဲ ေျခေတြလက္ေတြေတာင္ မသယ္ခ်င္ေလာက္ ေအာင္ပါပဲ..

တံခါးမႀကီးကို ဖြင့္လိုက္တာနဲ႔ လူကို ရုတ္တရက္ႀကီး တြန္း၀င္မႊန္ထူသြားတဲ့ မီးခိုးေတြေၾကာင့္ ကၽြန္ေတာ္ေၾကာင္သြားပါတယ္.. ခ်က္ျခင္းပဲ အေမကၽြန္ေတာ့္ကို တြန္းဖယ္ပီး ေရွ႕ေရာက္သြားတယ္..
“၀ါရာေရွာ့ျဖစ္လို႔ အန္တီ.. ခုေတာ့ အားလံုးအိုေကသြားပါပီ.. ဒါေပမဲ့ မီးခိုးေတြ မ်ားေနေသးတယ္..” မီးခိုးလံုးေတြ ေ၀ေ၀၀ါး၀ါး ထဲကေနပီး အိမ္ရွင္က လွမ္းေျပာတယ္.. ဓါတ္မီးဖြင့္ပီး စားပြဲေပၚ ခ်ထားတာက လဲြရင္ မီးေတြပိတ္ထားတာေၾကာင့္ အလင္းကလဲ အားမေကာင္းပါဘူး..
“ဟုတ္လား.. ေတာ္ေတာ္မ်ားတယ္ထင္တယ္..” အေမက ေျပာရင္း အထဲ ၀င္သြားတယ္..
“အန္တီ မီးခိုးမႊန္တာ မခံႏိုင္မွာ စိုးတယ္.. ခဏေရွာင္ေနလိုက္ပါလား..”
အိမ္ရွင္ေကာင္ေလးက စိုးရိမ္သံနဲ႔ အေမ့ကိုသတိေပးတယ္..
ကၽြန္ေတာ္ အေမ့ကို ေခၚပီး ခ်က္ျခင္း အျပင္ျပန္ထြက္ပါတယ္.. ဖိနပ္စီးေနတုန္း ေဘးခန္းက တံခါးပြင့္လာပီး ေညွာ္လိုက္တာ ဘာျဖစ္လုိ႔လဲလို႔ ကၽြန္ေတာ္တို႔ ႏွစ္ေယာက္ကို ေမးတယ္..

ကၽြန္ေတာ္ ဘယ္လိုေျဖရင္ ေကာင္းမလဲ စဥ္းစားေနတုန္း ”၀ါရာေရွာ့ျဖစ္လို႔ပါ.. ခုပီးသြားပီ.. စိတ္မပူနဲ႔..” ျမန္မာလို ပီပီႀကီးကို ေျပာခ်လိုက္တဲ့ အေမ့ကို ကၽြန္ေတာ္ေရာ ေမးတဲ့ တရုတ္မပါ ေၾကာင္ပီးၾကည့္ေနမိတယ္.. ဒီတရုတ္မ ဘာေမးလိုက္တယ္ဆိုတာ အေမနားမလည္ဘူး ဆိုတာေတာ့ ေသခ်ာပါတယ္... ေၾကာင္ေတာင္ေတာင္ တရုတ္မမ်က္ႏွာကိုၾကည့္ပီး အေမက "wire shock, finish.. finish.. all ok" ဆိုပီး ေျပာင္းေျပာတယ္.. ကၽြန္ေတာ္၀င္ရွင္းျပလိုက္ေတာ့မွ တရုတ္မ တံခါးျပန္ပိတ္သြားတယ္.. ေအာက္ေရာက္ေတာ့ တရုတ္မကို ျမန္မာလို အပီေျပာခဲ့တဲ့ အေမ့အျဖစ္ဟာ သားအမိႏွစ္ေယာက္ထဲ ရီပြဲဖြဲ႕ ရတာ အားမရလို႔ ရန္ကုန္အထိပါ ဖုန္းဆက္ပီး ေျပာျဖစ္ပါတယ္...

အျဖစ္က ဒီေလာက္ပါပဲ.. ဘာမွ စြန္႔စားခန္း မပါသလို သဲထိတ္ရင္ဖိုလဲ မဟုတ္ပါဘူး.. မေအက သားကို စြန္႔စားကာကြယ္တဲ့ ဇါတ္လမ္းေကာင္းမ်ဳိးလဲ မဟုတ္ဘူး..

ဒါေပမဲ့ ၀ုန္းဆိုတဲ့ အျဖစ္တစ္ခု သိသိျခင္းမွာ ျဖတ္ခနဲ ကၽြန္ေတာ့္ေရွ႕ ေရာက္သြားတဲ့ အေမ.. လူမ်ဳိးျခားေတြၾကားမွာ ေၾကာက္လန္႔ ရြ႕ံတြန္႔ပီး ကၽြန္ေတာ့္ေနာက္မွာ ပုန္းေနတတ္တာက အေရးလဲေပၚေရာ တရုတ္မကို ျမန္မာလို ေျပာတဲ့ထိကို ဦးေဆာင္ေျဖရွင္းဖို႔ပဲ အာရံုပဲ ရွိခဲ့တဲ့ အေမ့အျဖစ္ဟာ ကၽြန္ေတာ့္ကို အေတြးတစ္ခု ရေစပါတယ္..

From Shutterstock

ေတာ္တတ္ ထက္ျမက္တဲ့ သားသမီးေတြရဲ႕ (ကၽြန္ေတာ္ ေတာ္တတ္ထက္ျမက္သူလို႔ ဆိုလိုတာမဟုတ္ပါ..)  ေနာက္ကေန မိဘေတြဟာ နားမလည္ပါးမလည္ ကေလးေတြလို လက္တြဲလိုက္ခ်င္ လိုက္ၾကပါလိမ့္မယ္.. သားသမီးေတြရဲ႕ ေစာင့္ေရွာက္မႈကို ခံယူၾကတာမ်ဳိး ရွိခ်င္ ရွိပါလိမ့္မယ္.. ဒါေပမဲ့ သားသမီးေတြကို ေစာင့္ေရွာက္ခဲ့တဲ့ အဲဒီမိဘေတြရဲ႕ ေက်းဇူးနဲ႔ေတာ့ ဘယ္လိုမွ ႏႈိင္းယွဥ္လို႔ မရဘူးဆိုတာပါ.. ကၽြန္ေတာ္တို႔ သားသမီးေတြရဲ႕ မိဘကို တြဲခဲ့တဲ့ လက္ဟာ.. အားကိုးမႈနဲ႔ ရလိုမႈပဲ ရွိခဲ့ပါတယ္.. ကေလးဘ၀ သားသမီးေတြအတြက္ မိဘလက္ဟာ အားကိုးရာ ကမၻာျဖစ္သလို အေမ သားကို ဒါေကၽြးပါ.. အေမ သားကို ဒီပို႔ေပးပါ ဆိုတဲ့ ရယူလိုစိတ္ေတြပဲ ရွိခဲ့ပါတယ္..

From Shutterstock

မိဘေတြအတြက္ကလဲ ခုခ်ိန္မွာ ကၽြန္ေတာ္တို႔လက္ေတြဟာ သူတို႔အားကိုးရာေတြ ျဖစ္လာၾကပါၿပီ.. ကြာတာက ကၽြန္ေတာ္တို႔ ပို႔တာသြား ေကၽြးတာေတြ စားခ်ိန္မွာ သူတို႔ ခံစားရတာကို ေပ်ာ္ေမြ႕တာအျပင္ ငါ့သား ငါ့သမီးကေတာ့ ငါ့ကို ဒီပို႔ႏိုင္ပါလား.. ဒါေတြေတာင္ ေကၽြးေနႏိုင္ပါလားဆိုတဲ့ သားသမီးေတြရဲ႕ စြမ္းႏိုင္မႈအေပၚ ေက်နပ္တဲ့ ပီတိကိုလဲ ခံစားၾကတယ္လို႔ ထင္ပါတယ္.. ဒီထက္ပိုတာက သူတို႔ဟာ သားသမီးေတြကို မထိခိုက္ေစခ်င္တဲ့.. လိုအပ္ရင္ ေပးဆပ္ဖို႔ ကာကြယ္ေစာင့္ေရွာက္ဖို႔ အသင့္ရွိၾကတဲ့ သူေတြ ျဖစ္ၾကတာပါပဲ..

ကိုယ့္ဘို႔ဆိုတဲ့ ဆႏၵပိုပိုသာသာနဲ႔ ရယူဖို႔သက္သက္ မိဘကို အားကိုးတႀကီး ဆုပ္ကိုင္ခဲ့တဲ့ သားသမီးရဲ႕ လက္နဲ႔.. ေပးဆပ္မႈေတြ.. ကာကြယ္ေစာင့္ေရွာက္ လိုမႈေတြ.. ေက်နပ္မႈေတြနဲ႔ သားသမီးကို အားကိုးတႀကီး ဆုပ္ကိုင္ခဲ့တဲ့ မိဘလက္... ဒီလက္ႏွစ္ခုဟာ ႏႈိင္းယွဥ္ တန္ဖိုးေျခၾကည့္လို႔ ရတဲ့ အရာမ်ဳိး မဟုတ္တာေတာ့ အမွန္ပါပဲေလ...

သုတ

ငွက္ဖ်ား အေျပးသမား

တိုင္မွာခ်ိတ္ဆြဲထားေသာ ပုလင္းဆီမွ ျပြန္ေသးေသးေလးထဲ ေျဖးေႏွးစြာ တစ္ေပါက္ခ်င္းက်ေနေသာ ေရစက္မ်ားကို ကၽြန္ေတာ္ ေငးၾကည့္ေနမိသည္။ ထိုေရစက္တို႕သည္ ပိုက္ကတဆင့္ ေသြးေၾကာထဲ ထိုးေဖာက္ထားသည့္ အပ္ကိုျဖတ္ကာ ကၽြန္ေတာ့ကိုယ္ထဲ စီး၀င္သြားၾကမည္ ျဖစ္သည္။ ျမန္ျမန္ကုန္ေစ့ခ်င္လွၿပီ။ ဒါေတြ အကုန္သြင္းပီးသြားရင္ ေနေကာင္းၿပီ၊ ေဆးရံုက ဆင္းရၿပီဟု ဆရာ၀န္ႀကီး ေျပာထားေသာ စကားကို ကၽြန္ေတာ္မေမ့ပါ။ ဘယ္ႏွစ္ပုလင္း ေျမာက္မွန္း မမွတ္မိေတာ့ေပမဲ့ လြန္ခဲ့ေသာႏွစ္ရက္ ေဆးရံုစေရာက္ထဲက မျပတ္တမ္း ခ်ိတ္ထားေသာ ဒီပုလင္းေတြ ဒီပိုက္ေတြကို မုန္းတီးေနၿပီ။

အေဖ တာ၀န္က်သည့္ မိုင္းတံုစေျပာင္းထဲက ကြီနင္းဆိုသည့္ ငွက္ဖ်ားကာကြယ္ေဆးေတြ တမိသားစုလံုုး စေသာက္ခဲ့ရသည္။ မတရား ခါးသက္သည့္ ေဆးခါးေတြ ငွက္ေျပာသီးႏွင့္ ေရာကာ ႀကိတ္မွိတ္ေသာက္ခဲ့သည့္ ၾကားက ေျခာက္လေက်ာ္ေက်ာ္ေလာက္မွာ ကၽြန္ေတာ္ငွက္ဖ်ား ျဖစ္သည္။ မ်က္ႏွာသစ္ရင္း ေပ်ာ့ေခြက်သြားသည့္ ကၽြန္ေတာ့္ကို တေၾကာ္ေၾကာ္ေခၚကာ ပူေလာင္ႀကီးစြာ ေပြ႕ခ်ီရင္း “ကေလးတစ္ခုခု ျဖစ္လို႔ကေတာ့ ရွင္နဲ႔ကၽြန္မ အျပတ္ပဲ..”ဟု အေမ၏ ဘာမွမဆိုင္ပါပဲ အေဖ့ကိုရန္လုပ္သံက ကၽြန္ေတာ့္ေနာက္ဆံုး အသိ ျဖစ္ခဲ့သည္။ သတိရေတာ့ ေဆးရံုမွာ။

လူကႏုန္းႏုန္းခ်ိခ်ိ၊ မူးသလိုလို ေ၀သလိုလို။ လည္ေခ်ာင္းေတြကလည္း ေျခာက္ကပ္ကပ္ ခါးသက္သက္ ျဖစ္ေနသည္။ ေဘးက ဘီဒိုပုပုေလးေပၚမွာ ဘီစကစ္မုန္႔တစ္ထုပ္ႏွင့္ ပန္းသီးတစ္လံုး ေတြ႔တာေတာင္ စားခ်င္စိတ္မရွိ။ အမွန္ဆိုလွ်င္ အစားမက္ေသာ ကၽြန္ေတာ့္အတြက္ ဘီစကစ္က မထူးဆန္းလွလွ်င္ေတာင္ တစ္ခါတေလမွ စားရတတ္ေသာ ပန္းသီးသည္ တကယ့္ဆြဲေဆာင္မႈ ျဖစ္သည္။ ဒါေပမဲ့ မစားခ်င္ပါ။ ရင္ဘတ္ထဲက လွပ္လွပ္လွပ္လွပ္ ခံစားမႈသည္ မ်က္လံုးမဖြင့္ပဲ အိပ္ေနလိုက္တာကပဲ အေကာင္းဆံုးလိုေတာင္ ျဖစ္ေနသည္။

“အေမကလဲ ၾကာလိုက္တာ..” ကၽြန္ေတာ္ ေလသံသဲ့သဲ့ျဖင့္ ေျပာသည္။ တကယ္ေတာ့ ၾကာတာကိုအဓိက ေျပာခ်င္တာမ်ဳိး မဟုတ္ပဲ ေျပာစရာမရွိ၍ စကားမရွိစကားရွာ ေျပာလိုက္တာမ်ဳိး ျဖစ္သည္။
“ဒရစ္ခ်ိတ္တာ မၿပီးေသးဘူး ေနမွာေပါ့.. နင္ဘာလုပ္ခ်င္လို႔လဲ.. ငါ့ကိုေျပာေလ..” ၀တၱဳဖတ္ေနရာမွ လွည့္ၾကည္ၿပီး ကၽြန္ေတာ့္အမက ေမးလာသည္။ တကယ္ေတာ့ အေမလဲ ငွက္ဖ်ားျဖစ္ေနပါသည္။ ကၽြန္ေတာ့္ထက္ေတာင္ သံုးေလးရက္ေလာက္ ေစာပါေသးသည္။ မနက္က အေဖနဲ႔ လူခ်င္းခ်ိန္းပီးေတာ့ ဆရာ၀န္က အေမ့ကိုစမ္းသပ္ၿပီး ေဆးသြင္းဖို႔ ညႊန္ၾကားတာေၾကာင့္ ေဆးရံုမွာ ခုတင္ကလဲ မအားသျဖင့္ အမကို လူနာေစာင့္အျဖစ္ထားကာ ေဆးရံု၀င္းထဲက သူနာျပဳတစ္ေယာက္အိမ္မွာ ေဆးသြားသြင္းေနတာပါ။ ကၽြန္ေတာ့္ထက္ ငါးႏွစ္ႀကီးေသာ အမသည္ ခုႏွစ္တန္းသာ ရွိေသးေပမဲ့ အေမအေဖတုိ႔အတြက္ အလြန္အားကိုးရ၏။

ကိုယ့္စကားႏွင့္ကိုယ္ ဘာလုပ္ရမွန္းမသိေတာ့ ေရေသာက္မည္ဟု ကၽြန္ေတာ္ေျပာလိုက္ရသည္။

”အမေရာ ေက်ာင္းမသြားဘူးေပါ့..”
“အင္း.. ဒီေန႔ခြင့္ယူလိုက္တယ္ေလ.. အေမေနမွမေကာင္းတာ.. အေဖလဲခြင့္ယူထားတယ္.. ခဏေနလာလိမ့္မယ္..”

ကၽြန္ေတာ္တို႔ စကားေျပာေနတုန္း ရုတ္တရက္ အသံဆူဆူညံညံေတြ ထြက္လာသည္။ ေမာင္ႏွမ ႏွစ္ေယာက္လံုး လန္႔ကာလွမ္းၾကည့္လိုက္ေတာ့ အမ်ဳိးသမီးတစ္ေယာက္ လူနာေဆာင္ထဲ ေျပး၀င္လာ၏။ တကိုယ္လံုး အ၀တ္မပါပါ။ ေနာက္မွာ ဆရာ၀န္ႀကီးႏွင့္ သူနာျပဳ ဆရာမတစ္ေယာက္ ေျပးလိုက္လာၾက၏။
“ဖမ္းထားေပးပါဦး.. ခ်ဳပ္ထားလိုက္..” ဆရာ၀န္က လွမ္းေအာ္သည္။
ေယာက္်ားေဆာင္ ျဖစ္တာေကာ၊ အမ်ဳိးသမီးက အ၀တ္အစား မကပ္သည့္ အေနအထား ျဖစ္တာေၾကာင့္ေကာ ဆီးဖမ္းထားရမွာ လက္မရဲ ျဖစ္ၾကသည္ထင္ပါသည္။ ေၾကာင္အမ္းကာ ဘယ္သူမွ ထၿပီး မတားဆီးၾက။ အမ်ဳိးသမီးက အခန္းအလည္မွာ ရပ္ၿပီး တခန္းလံုးေ၀့ၾကည္လိုက္သည္။ သူမအၾကည့္ေတြက တစ္ခန္းလံုးမွာ တစ္ဦးထဲေသာ မိန္းခေလးျဖစ္သည့္ ကၽြန္ေတာ့အမဆီမွာ ရပ္သည္။ ကပ္လာေသာ သူနာျပဳဆရာမကို ပစ္တြန္းထည့္လိုက္ၿပီး ကၽြန္ေတာ့္အမကို လက္ၿငိဳးထိုးကာ
“နင္ကဘာလုပ္ေနတာလဲ.. ေတာင္းပန္စမ္း.. နင့္ငါ့ကို ေတာင္းပန္စမ္း..”
မ်က္လံုးျခာျခာလည္ကာ ေျပာေနေသာ သူမပံုစံက တကယ္ကို ေၾကာက္စရာေကာင္းသည္။
ကၽြန္ေတာ့္အမ ျဗဳန္းခနဲထရပ္က အေနာက္ေပါက္ဆီသို႔ ေျပးသည္။ ကၽြန္ေတာ္လဲ မေနပါ။ ဘယ္ကေရာက္လာမွန္းမသိေသာ အားအင္တို႔ျဖင့္ ခုတင္ေပၚက ခုန္ဆင္းကာ အမေနာက္လိုက္သည္။ စူးခနဲျဖစ္သြားမွ လက္က အပ္ေတြကို သတိရၿပီး ခ်က္ျခင္းဆြဲျဖဳတ္ပစ္လိုက္သည္။ အားပါး.. ေတာ္ေတာ္နာပါသည္။ ဒါေပမဲ့ မရပ္ရဲပဲ အမေနာက္ကို အတင္းေျပးလိုက္သည္။ ေရွ႕ကေျပးေနေသာ အမက အေပါက္၀အေရာက္မွာ ရုတ္တရက္ရပ္ခ်လိုက္ၿပီး ဒီဘက္ျပန္လွည့္ေတာ့ တရွိန္ထိုးေျပးလာသည့္ ကၽြန္ေတာ္ႏွင့္ ၀င္တိုက္ေတာ့၏။
“ဟယ္.. ေမာင္ေလး.. လာလာ.. ငါနင့္ကိုသတိရလို႔ ျပန္လွည့္လာတာ..”
ကၽြန္ေတာ့္လက္ကိုဆြဲပီး အမဆက္ေျပးသည္။ ေမာင္ႏွမႏွစ္ေယာက္လံုး လက္ေတြ ေအးစက္လွ်က္။ ကၽြန္ေတာ္လူနာဆိုတာကိုေတာ့ ကၽြန္ေတာ္ကိုယ္တိုင္ေရာ အမပါသတိမရေတာ့ပါ။ ေနာက္မွာေတာ့ ခုမွ အသိ၀င္လာတဲ့ တခ်ဳိ႕လူနာေတြ.. လူနာေစာင့္ေတြက အမ်ဳိးသမီးကို ၀ိုင္းခ်ဳပ္ ဆရာ၀န္က ေဆးထိုးႏွင့္ လံုးေထြးက်န္ခဲ့ေတာ့သည္။

.......

အဲဒီအမ်ဳိးသမီးက ငွက္ဖ်ားအရမး္ႀကီးၿပီး ဦးေႏွာက္ထိသြားတာပါ.. ေနာက္ေန႔ ေကာင္းသြားေတာ့ ဆရာ၀န္နဲ႔ ဆရာမကို ရွိခိုးပီးေတာင္ ေတာင္းပန္ပါတယ္.. သူ႔ေယာက်္ားကလဲ အေဖတို႔နဲ႔ ေတြ႔ပီး ေတာင္းပန္ပါတယ္.. ကၽြန္ေတာ္ကေတာ့ ဆရာ၀န္ုကုေပးတဲ့ ေဆးရွိန္ေၾကာင့္ပဲလား၊ အေျပးေလ့က်င့္ခန္းေၾကာင့္လား မသိေပမဲ့ အဲဒီေန႔ပီးထဲကိုက အဖ်ားသက္သာလာလိုက္တာ ေနာက္ႏွစ္ရက္ဆိုတာနဲ႔ ေဆးရံုကဆင္းႏိုင္ပါေရာ.. အဲ.. ပန္းသီးလဲ စားႏိုင္ေရာ ဆိုပါေတာ့ဗ်ာ...

နာရီ

ရန္ကုန္မွာတုန္းက ကၽြန္ေတာ္နာရီပတ္သည္။ ကိုယ့္ဘာသာ ၀ယ္ထားတာေတာ့ မဟုတ္ပါ။ အေဖ့ဆီက အေမြေတာင္းထားတဲ့ နာရီ။ Seiko 5။

ဆယ္တန္းေအာင္ပီး အလုပ္စ၀င္ရေတာ့မယ္ဆိုေတာ့ နာရီေလး တစ္လံုးကေတာ့ မျဖစ္မေနလိုပီလို႔ ကိုယ့္ဘာသာ ဆံုးျဖတ္သည္။ အလုပ္နဲ႔ အကိုင္နဲ႔ လူႀကီးတစ္ေယာက္ ျဖစ္လာပီဆိုေတာ့လဲ ဆယ္တန္းတုန္းက ပတ္တဲ့ သားေရႀကိဳး ဓါတ္ခဲနာရီကေတာ့ ပတ္စရာနာရီလို႔ေတာင္ မသတ္မွတ္ေတာ့ၿပီ။ ဒီေတာ့အေမ့ကိုပူဆာရသည္။ အသစ္၀ယ္ဖို႔ မဟုတ္။ သူငယ္ခ်င္းတစ္ေယာက္ဆီမွ နာရီအသစ္ လက္ေဆာင္ရၿပီးထဲက အေဖမပတ္ေတာ့ပဲ သိမ္းထားသည့္ နာရီေဟာင္းကိုလိုခ်င္ပါသည္ဟု ပူဆာျခင္းျဖစ္သည္။ ဆန္းဆန္းျပားျပားဒီဇိုင္း မဟုတ္တဲ့ အျပင္ နဲနဲေတာင္ အိုသည့္ဖက္ရွင္ႏွင့္ နာရီကိုမွ ပတ္ခ်င္ပါသည္ဆိုေသာ သားကို ရီဟဟျဖင့္ အေမက လိုက္ေလ်ာပါသည္။ အသစ္မ၀ယ္ေပးရေတာ့ ပိုက္ဆံကုန္ သက္သာေသးလို႔မ်ား ေတြးခဲ့ပါလိမ့္မည္။ ကၽြန္ေတာ္ကေတာ့ နာရီဒီဇိုင္းက လူႀကီးလူေကာင္းဆန္သည္၊ ခန္႔ျငားသည္ဟု ထင္သည္။ ကိုယ္လဲ အလုပ္နဲ႔ အကိုင္နဲ႔ ျဖစ္ပီဆိုေတာ့ ဒီလိုခန္႔ခန္႔ေလး ၀တ္ရမည္ေပါ့။

လူပ်ဳိျဖစ္ေနၿပီ ျဖစ္ေသာ္လဲ လူေကာင္သိပ္မထြားသည့္အတြက္ အဆစ္ႏွစ္ဆစ္ေလာက္ ျဖဳတ္တာေတာင္မွ နာရီက ေတာ္ေတာ္ေခ်ာင္ေနေသးသည္။ ဒါေပမဲ့ ခပ္က်ပ္က်ပ္နဲ႔ ကြက္တိ၀တ္ရတာထက္ အဲလို လက္ေကာက္၀တ္မွာ ေလ်ာ့လ်ဲလ်ဲေလး တင္ပီး၀တ္ရတာကို ပိုႀကိဳက္သည္။ အဲဒီစတိုင္ကေတာ့ ခုထိ ကၽြန္ေတာ္သေဘာက်ေနတုန္းပါ။ ခက္တာက လက္ေထာင္လိုက္တိုင္း နာရီက လက္တေတာင္ဘက္ ေလ်ာကာသြားၾကပ္ေနတတ္သည္။ အဲလိုျဖစ္တတ္တာကပဲ ဒီနာရီနဲ႔ ပက္သက္ၿပီး အမွတ္ရစရာေလးတစ္ခု ကၽြန္ေတာ့္မွာ ရွိခဲ့တာျဖစ္သည္။

......................

အဲဒီေန႔က ရံုးမွာ အရမ္းမိုးခ်ဳပ္ပါသည္။

အခ်ိန္ပိုလုုပ္တဲ့ ၀န္ထမ္းအားလံုးက မျပန္ေတာ့ပဲ အိပ္ဖို႔ဆံုးျဖတ္ၾကၿပီး တားေနတဲ့ၾကားက အျပင္မွာ အိပ္က်င့္မရွိတာမို႔ ကၽြန္ေတာ္အတင္း စြတ္ထြက္ခဲ့သည္။ ျပန္ဖို႔သာ ဆံုးျဖတ္ရသည္၊ ဘတ္စ္ကားက မရွိေတာ့မွာ ေသခ်ာ၏။ ၾကားကားတစ္စီးတစ္ေလမ်ား ရွိလိုရွိျငား ဆူးေလဂိတ္ဘက္ကို ကၽြန္ေတာ္ေလွ်ာက္သည္။ ကုမၺဏီက ျပန္တင္၍ရေသာ္လည္း ကိုယ္ကအရင္ စိုက္ရွင္းထားရမွာေကာ၊ ပံုစံျဖည့္ ျပန္ေတာင္းရတဲ့ ကိစၥေတြ စိတ္ညစ္တာေရာေၾကာင့္ taxi ကိုေတာ့ သိပ္ပီးစိတ္၀င္တစား မရွိလွ။ လမ္းသည္ လမ္းမီးတိုင္မ်ားေအာက္မွာ လင္းလင္းခ်င္းခ်င္း ရွိပါသည္။ ေလွ်ာက္လာခဲ့သည့္ ဗိုလ္ခ်ဳပ္လမ္းတစ္ေလွ်ာက္ မ်က္စိတဆံုးထိ ေတာ္ေတာ္ႀကီးကို လူသူကင္းရွင္းေနတာေၾကာင့္ နဲနဲစိတ္ပူလာသည္။ ရံုးမွာ ျပန္အိပ္လိုက္တာပဲ ေကာင္းမလားမသိ။ လမ္းခ်ဳိးၿပီး ဆူးေလ ကားဂိတ္မွာ လူေလးငါးဆယ္ေယာက္ေလာက္ လွမ္းေတြ႕လိုက္ေတာ့မွ ကၽြန္ေတာ္ စိတ္သက္သာရသည္။ ဒါဆိုရင္ေတာ့ ၾကားကားရွိေလာက္ပါေသးသည္။ အၾကာႀကီးေစာင့္ရမဲ့တူတူ မနက္က မၿပီးေသးေသာ ၀တၱဳစာအုပ္ကို ကၽြန္ေတာ္ထုတ္ဖတ္သည္။

စာအုပ္ေထာင္ကုိင္ထားေသာေၾကာင့္ တေတာင္ဘက္ ေလွ်ာက်လာေသာ ကၽြန္ေတာ့္နာရီသည္ အခ်ိန္ၾကာတာနဲ႔အမွ် ေခၽြးႏွင့္ေရာကာ ၾကပ္စီးစီးႀကီးျဖင့္ ေနရခက္လာသည္။ ေကာင္းခန္းေရာက္ေနတာမို႔ စာအုပ္က မ်က္ႏွာမခြာပဲ လက္ကိုေအာက္ခ်က နာရီျပန္က်ေအာင္ အသာ လႈပ္သည္။ ေခၽြးေတြႏွင့္ကပ္ကာ နာရီကမက်။ စိတ္မရွည္ေတာ့ပဲ လက္ကို ခပ္ဆတ္ဆတ္ခတ္ကာ ဆန္႔အထုတ္မွာ ေရွ႕ဘက္ ခပ္ေစာင္းေစာင္းေလးမွာ ရပ္ေနသူကို သြားထိသည္။ ေလဟပ္ရံုေလာက္ေလး ထိသြားသည့္အေနအထားေလာက္ပဲမို႔ ကၽြန္ေတာ္ဘာသာေတာင္ အမႈမဲ့ အမွတ္မဲ့ သတိပင္ မထားမိလိုက္။

“ေမာင္ေလး.. ဘာလဲဟင္..”
သူမကၽြန္ေတာ္ဘက္ လွည့္လာပီးေမးသည္။ မ်က္ႏွာသည္ မိတ္ကပ္တို႔ျဖင့္ ေကာ္ပတ္ရုပ္လိုလွေနသည္။ အသက္အစိတ္ေလာက္ေတာ့ ရွိမည္ထင္ပါသည္။ အလြန္အက်ဴး ခ်ယ္သ၀တ္ဆင္ထားသည့္ သူမအေနအထားကို ေၾကာင္ေတာင္ေတာင္ ျဖစ္သြားသည့္ ၾကားကပင္ ကၽြန္ေတာ္ သတိျပဳမိသည္။

”ဗ်ာ.. ဘာလဲ..” ကၽြန္ေတာ္ နားမလည္စြာ ျပန္ေမးမိသည္။ သူမဘာေမးလိုက္တယ္ဆိုတာ ကၽြန္ေတာ္မရွင္းပါ။

”အင္းေလ.. ဘာလဲလို႔..” ျပံဳးစစျဖင့္ သူမအနားတိုးလာ၏။ အစထဲက ရပ္ေနတာ သိပ္မကြာတာမို႔တစ္လွမ္းသာသာ လွမ္းရံုႏွင့္ကို တစ္ေယာက္ႏွင့္ တစ္ေယာက္ ေတာ္ေတာ္နီးသြားသည့္ အေနအထား။ ေရေမႊးနံ႔သည္ ေတာ္ေတာ္စူးပါသည္။ အသံကလဲ ၀င္ေတာ့မလိုလို ထြက္ေတာ့မလိုလို ေလသံႏွင့္။

”အဲ.. ဘာမွမဟုတ္ပါဘူး အမ.. ေဆာရီး မေတာ္တဆပါ..” ကၽြန္ေတာ္ ေနာက္ဆုတ္ရင္း ေျပာသည္။ ခ်က္ျခင္းလဲ သေဘာေပါက္လိုက္တာမို႔ ျမန္ျမန္ ေတာင္းပန္ရင္း စကား ျဖတ္လိုက္တာပါ။

သူမအျပံဳးေပ်ာက္သြားသည္။

”ဟဲ့.. အဲဒါဆိုလဲ နင္ဘာလို႔ လာစေနေသးလဲ..”

သူမေျပာလိုက္သံက တိတ္ဆိတ္ေနေသာ ပတ္၀န္းက်င္မွာ ေတာ္ေတာ္က်ယ္ သြားသည္။ ေဘးကရပ္ေနသူေတြ အားလံုးလွည့္ၾကည့္ၾကသည္။ ေျပာပီးမွ ကၽြန္ေတာ့ဘက္က အေနအထားကို သူမတလြဲေကာက္ခ်က္ခ်ပီး ျဖစ္ခဲ့တယ္ဆိုတာ သူမဘာသာ သတိရသြားပံုုေပၚပါသည္။ မရပ္ေတာ့မရပ္ေသးပဲ ဘာမွတ္ေနသလဲ.. လာမစမ္းနဲ႔ ဘာညာကြိကြျဖင့္ ပြစိပြစိ ခပ္တိုးတိုးေရရြတ္ကာ ကားဂိတ္အေနာက္ဘက္ ခပ္လွမ္းလွမ္းကို ေဘာက္ဆတ္ဆတ္ ေလွ်ာက္သြားသည္။ ၾကည့္ရတာ ခုထိဒီမွာ ရပ္ေနရတာကို တင္းေနတဲ့စိတ္က အစထဲကရွိပံု ရပါသည္။ အဲဒါကအေရးမႀကီး။ ခုေတာ့ ဒီကေကာင္က လူေတြ၀ိုင္းၾကည့္ခံေနရသည္။ ျပံဳးစိစိၾကည့္သည္။ ဇါတ္ရႈပ္ေတြဆိုသည့္ အထာႏွင့္ၾကည့္သည္။ တည့္တည့္ၾကည့္သည္။ ေစြၾကည့္သည္။ လူေလးငါးဆယ္ေယာက္က ပံုစံေလးငါးဆယ္မ်ဳိးျဖင့္ ၾကည့္သည္။

ခပ္တည္တည္ျဖင့္ စာအုပ္ျပန္ဖတ္ေနရေပမဲ့ လူက ေခၽြးျပန္လာသည္။
တေတာင္ဘက္ ျပန္ေလွ်ာက်ေနၿပီျဖစ္သည့္ နာရီကလဲ ေခၽြးတို႔ျဖင့္ စီးကာ ေနရခက္ခက္။

ဒါေပမဲ့ နာရီကို ကၽြန္ေတာ္ မခါခ်ျဖစ္ေတာ့ပါ။

......................

ခုေတာ့ ကၽြန္ေတာ္နာရီပတ္ေလ့ သိပ္မရွိေတာ့ပါဘူး.. ဒီကိစၥေၾကာင့္ေတာ့ မဟုတ္ဘူးေပါ့ဗ်ာ.. အခ်ိန္ဆိုတာကိုသိဖို႔ နာရီတစ္မ်ဳိးထဲ အားကိုးေနစရာ မလိုေလာက္ေအာင္ ေခတ္ကတိုးတက္လာတာေၾကာင့္ ျဖစ္ပါလိမ့္မယ္.. ဒီေတာ့မ်ား ခုေနခ်ိန္ အဲလို တေယာက္ေယာက္ကို သြားထိမိတယ္လို႔ သတင္းမ်ားၾကားလို႔ကေတာ့ တမင္တကာထိတာပဲ ျဖစ္လိမ့္မယ္လို႔ စာဖတ္သူ ယူဆႏိုင္ပါတယ္ဗ်ား.. ဟားဟား..

ျမန္မာ့စံေတာ္ခ်ိန္

ရထားရပ္တာႏွင့္ ကၽြန္ေတာ္ အရင္ဆံုးျဖစ္ေအာင္ လုထြက္လိုက္ပီး စက္ေလွကားမွ ေတာက္ေလွ်ာက္ေျပးဆင္းသည္။ မေျပးလို႔လဲမရ။ ေနာက္က်ေနၿပီေလ။ နဲနဲေနာေနာေတာင္ မဟုတ္ပါ။ တစ္နာရီစမည္ဟု ေၾကျငာထားေသာ စာေပေဟာေျပာပြဲတက္ေရာက္မည့္ လူက ႏွစ္နာရီထိုးဖို႔ ဆယ့္ငါးမိနစ္ပဲ လိုခ်ိန္အထိ ရထားေပၚမွာ ရွိေနသည့္အျဖစ္သည္ ငယ္ငယ္တုန္းက ဆရာႀကီး နပန္အက်င္းခံရတာထက္ ႏွစ္ဆေလာက္ေတာင္ ပိုတီးဖို႔ ေကာင္းေနသည့္ အေနအထားျဖစ္သည္။ ၀င္လို႔ေတာင္ ရပါေတာ့မည္လား မသိ။ ေျပးရင္းက ငယ္ငယ္တုန္းက အျဖစ္ကိုသတိရရင္း ျပံဳးလိုက္မိေသးသည္။ တစ္ခါ အဲဒီအျပံဳးေပၚမွာ ထပ္ျပံဳးျဖစ္ျပန္သည္။ အသက္အရြယ္က အရာရာကို ေတာ္ေတာ္ ေျပာင္းလဲသြားေစတာပဲ။ ငယ္ငယ္တုန္းက ေက်ာင္းနဲနဲေလး ေနာက္က်တာကို အသဲအသန္ စိုးရိမ္ပူပန္ဖူးေသာ ကၽြန္ေတာ္သည္ ခုေတာ့ ခပ္သဲ့သဲ့ျပံဳးႏိုင္သည္အထိ အေရထူခဲ့ၿပီ ျဖစ္သည္။

ဒါေပမဲ့။ တံတားေပၚမွ ခပ္သြက္သြက္ ျဖတ္ေလွ်ာက္ရင္း ကၽြန္ေတာ္ဇေ၀ဇ၀ါ ျဖစ္လာသည္။ လွမ္းျမင္ေနရသည့္ ခန္းမအ၀င္၀တြင္ လူေတြ စုရပ္ေနၾကတုန္း။ စာရင္းသြင္းေကာင္တာမွာ လူေတြ စာရင္းသြင္းေနတုန္း။ ပိုနီးလာေလ ျမင္လာရတာက ခန္းမအ၀တံခါးမေတာင္ မပိတ္ေသးဘူးဆိုတာ ျဖစ္သည္။ ပြဲမစေသးဘူးပဲ။ ဒီေနရာမွာ ကၽြန္ေတာ္မျပံဳးႏိုင္ေတာ့။ စည္းပ်က္ ကမ္းပ်က္ ေနာက္က်တာဟာ ကၽြန္ေတာ္ တစ္ေယာက္ထဲ မဟုတ္ဘူးတဲ့လား။ စည္းကမ္းမရွိတဲ့ လူေတြအတြက္ ဒီပြဲကို မစပဲ ေစာင့္ေပးေနခဲ့သတဲ့လား။ လူေတြအေရွ႕မွာ စည္းမဲ့ကမ္းမဲ့ ေနာက္က်ေနတဲ့ လူတစ္ေယာက္အေနနဲ႔ ခပ္ငံု႔ငံု႔ ၀င္ရမွာထက္ ခုလို ေနာက္က်သမား မ်ားလြန္းလို႔ ပြဲေတာင္မစႏိုင္တဲ့ အျဖစ္က စိတ္သက္သာစရာ တစ္ခုေတာ့ ကၽြန္ေတာ့္ကို မျဖစ္ေစပါ။

ေလးလံေသာစိတ္ျဖင့္ စာရင္းသြင္းတာေတြ ဘာေတြလုပ္ပီး နီးစပ္ရာ အ၀င္ေပါက္ကေန ခန္းမထဲ အ၀င္မွာေတာ့ စာေရးဆရာႀကီးမ်ားတန္းစီထိုင္ေနသည့္ ေရွ႕ဆံုးတန္း ျဖစ္ေနတာ သိလိုက္သည္။ ရုတ္ခ်ည္းပင္ ငယ္ငယ္တုန္းက ေက်ာင္းအုပ္ဆရာႀကီး နပမ္က်င္းခဲ့တာကို ကၽြန္ေတာ္ ျပန္တမ္းတမိလိုက္သည္။ ႏွစ္ခ်က္ေလာက္ တီးမယ္ဆိုရင္ေတာင္ အဲဒါကိုပဲ ကၽြန္ေတာ္ ပိုလိုလားပါသည္။ စာေပေဟာေျပာပြဲ တက္ေရာက္မည္ဟု အမည္ခံၿပီး လက္မွတ္ေပၚက ပြဲခ်ိန္တစ္နာရီဆိုတာကိုေတာင္ မဖတ္တတ္တဲ့ လူေတြကို ေဟာေျပာမဲ့ ဆရာႀကီးေတြက ေစာင့္ေပးေနရတဲ့ အျဖစ္။ တစ္နာရီအေရာက္ လာခဲ့သည့္ စည္းကမ္းညီညြတ္သည့္ ပရိတ္သတ္က ေစာင့္ေပးေနရတဲ့ အျဖစ္ပါလား။

ပြဲစီစဥ္သူမ်ားကေရာ။ ပြဲစခ်ိန္တစ္နာရီလို႔ သူတို႔ကိုယ္တိုင္ သတ္မွတ္ေရးသားထားတဲ့ အခ်ိန္ကို တာ၀န္မယူ မလိုက္နာသူမ်ားလို႔သာ ကၽြန္ေတာ္စြပ္စြဲခ်င္ပါသည္။ စာေရးဆရာႀကီးေတြ၊ အခ်ိန္အတိအက်ေရာက္တဲ့ စည္းကမ္းရွိ သူေတြက ေနာက္က် သူေတြကို ေလးဆယ့္ငါးမိနစ္ ေက်ာ္လာတဲ့ အခ်ိန္ထိ ေစာင့္ေနေစဖိုု႔မ်ား ဘယ္လို စိတ္ကူးမ်ဳိးနဲ႔ ဆံုးျဖတ္ခဲ့သလဲဆိုတာ စဥ္းစားမရပါ။ သူတို႔လိုက္ေလ်ာမႈက အနာဂါတ္ပြဲေတြကိုပါ ထိခိုက္ေစသည္။ ခုဒီပြဲမွာ အခ်ိန္အတိအက် ေရာက္လာသူေတြကေတာ့ သူတို႔ အေပးခံခဲ့ရတဲ့ တစ္နာရီနီးပါး ေစာင့္ရတဲ့ ျပစ္ဒဏ္အတြက္ ေနာင္က်ဥ္သြားေလာက္ၿပီး၊ ကၽြန္ေတာ္တို႔လို ေနာက္က်သူေတြအတြက္လဲ ေနာက္က်ေတာ့ မေစာင့္ရဘူး၊ ေကာင္းေတာင္ေကာင္းေသးဆိုတဲ့ အက်ဳိးအျမတ္နဲ႔ ေပ်ာ္ေပ်ာ္ႀကီး ေနာက္က်ဖို႔ အဆင္သင့္ ရွိေနၾကေလာက္ပါၿပီ။

ဒီေတာ့ ကၽြန္ေတာ္စဥ္းစားမိတာက အခ်ိန္နဲ႔ ပက္သက္ၿပီး နာမည္ပ်က္ရွိတဲ့ ျမန္မာေတြမွာ စည္းကမ္းပ်က္သူေတြကို အက်ဳိးရွိေစၿပီး စည္းကမ္းရွိသူေတြ အက်ဳိးမဲ့ေစတဲ့ လိုက္ေလ်ာမႈေတြ ရွိေနသေရြ႕ ဒါႀကီးကို ျပဳျပင္ဖို႔ ေတာ္ေတာ္ခက္ဦးမယ္ ထင္ပါတယ္ေလ။

ေရႊ (၁)

လြန္ခဲ့ေသာ သံုးႏွစ္ေက်ာ္ စင္ကာပူေရာက္စက ေရာက္ေလရာ ျမန္မာရွာရတာ သူ႔အတြက္ အလုပ္တစ္ခုျဖစ္သည္။
ပင္နီဆုိးလားသြားသည္။ ရထားေပၚ ကားေပၚ ေရာက္လွ်င္ မ်က္စိဖြင့္သည္။ နားစြင့္သည္။ ျမန္မာဟုေသခ်ာလွ်င္ ေျပးလႊားႏႈတ္ဆက္လိုက္ဖို႔ ၀န္မေလး။ ႏိုင္ငံႏွင့္ အိမ္ႏွင့္ တခါမွဒီေလာက္ ေ၀းေ၀းၾကာၾကာ မသြားဖူးေသာ သူ႔အတြက္ သူစိမ္းေျမမွာ ေရႊမ်ားေတြ႕လွ်င္ အလြမ္းေျပသည္။ အားအင္ျပည့္၀သလို ခံစားရသည္။

အရင္ေရာက္ႏွင့္သူမ်ားေျပာေသာ ၾကည့္လိုက္တာနဲ႔ ျမန္မာဆုိတာ သိသာတယ္ ဆုိတဲ့စကားက သူ႔အတြက္ေတာ့ ခက္ခဲလွသည္။ ဘယ္လိုသိသာလဲ။ သူဘယ္လိုမွ မခြဲျခားတတ္ပါ။ ဒီေတာ့ သူ႔နည္းသူ႔ဟန္ျဖင့္ နည္းတစ္ခု ထြင္လုိက္သည္။ သြားေလရာ ျမန္မာ စာအုပ္ တစ္အုပ္အုပ္ေတာ့ အိတ္ထဲထည့္သြားၿပီး ေရာက္ေလရာထုတ္ဖတ္သည္။ ဖတ္လွ်င္လဲ သက္ေတာင့္သက္သာ ဖတ္တာမ်ဳိး မဟုတ္ပဲ စာအုပ္ကုိ လူျမင္ေအာင္ ေထာင္ဖတ္သည္။ အနည္းဆံုးေတာ့ သူ႔ကို ျမန္မာလုိ႔ ျမင္ရသူျမန္မာေတြ သိသြားေအာင္။ စာဖတ္ေနရင္းက မ်က္လံုးတစ္ခ်က္ေလာက္ ေ၀့ၾကည့္လုိက္လုိ႔ ကုိယ့္ကုိယ္ ၾကည့္ေနတာမ်ဳိး၊ ကိုယ့္စာအုပ္ကုိ စိတ္၀င္တစား ၾကည့္ေနတာမ်ဳိး ဆံုလို႔ကေတာ့ အႏွီျမန္မာသည္ အတင္းကာေရာ မိတ္ဖြဲ႕ျခင္းကုိ ခံရမည္မွာ ရာႏႈန္းျပည့္နည္းပါး ေသခ်ာလွ၏။

တေျမထဲေန.. တေရထဲေသာက္.. ရပ္ေဆြရပ္မ်ဳိး ေတြပဲေလ..

*****

ခုေတာ့ ျမန္မာရွာေဖြေရးသည္ သူ႔အတြက္ အားတက္သေရာ အလုပ္တစ္ခု မဟုတ္ေတာ့။ ေရာက္စက ခံစားခဲ့ရေသာ အားနည္းသိမ္ငယ္မႈေတြလည္း ေပ်ာက္ကြယ္ခဲ့ၿပီ။ ရွာစရာမလုိ ေျပးမလြတ္ေလာက္ေအာင္ သံုးႏွစ္အတြင္း ေနရာတုိင္း ျမန္မာေတြ ျပည့္လာခဲ့ၿပီ။ အတင္းကာေရာႀကီး မိတ္ဆက္မိလို႔ တြန္႔ရြံ႕ေၾကာက္လန္႔သြားတတ္၊ ခပ္တည္တည္ႀကီး ျဖစ္သြားတတ္တဲ့ အခ်ဳိ႕မိန္းမပ်ဳိ ေလးေတြကုိလဲ အားနာတတ္ခဲ့ၿပီ။ ၿပီးေတာ့ ပံုစံႀကီး ၾကည့္ၿပီးမွေတာင္ မဟုတ္ပဲ အရိပ္ျမင္ရံုေလာက္နဲ႔ေတာင္ ဒါျမန္မာပဲလုိ႔ ေျပာႏိုင္တဲ့ အရည္အခ်င္းကိုလဲ ပိုင္ဆုိင္ခဲ့ၿပီ။ ဒါေတာင္ ျမန္မာဆုိတာ ေသခ်ာၿပီး ေဖာ္ေရြပံုေပၚလွ်င္ သူျပံဳးျပျမဲ ျဖစ္သည္။ အေျခအေန ေကာင္းလွ်င္ မိတ္ဖြဲ႕ျမဲျဖစ္သည္။ အေဆာက္အဦးတစ္ခုထဲ အတူအလုပ္လုပ္ေနေသာ ျမန္မာမ်ားကေတာ့ ဓါတ္ေလွခါးထဲမွာေရာ၊ ျပင္ပမွာပါ သူ႔မိတ္ေဆြမ်ားအျဖစ္ သိမ္းသြင္းျခင္း ခံခဲ့ရသူမ်ား ျဖစ္ၾက၏။

***

တစ္ေန႔ေတာ့ သူျမန္မာဆိုတာ အသိမခံရဲေသာ ျဖစ္ရပ္တစ္ခု ျဖစ္ခဲ့ပါသည္။

ထုိေန႔က သူ မူစတာဖာ စင္တာသို႔သြားသည္။ မနက္ျဖန္ျပန္မည့္ သူငယ္ခ်င္းတစ္ေယာက္ႏွင့္ လူၾကံဳေပးဖုိ႔ ေခ်ာကလက္ သြား၀ယ္တာျဖစ္သည္။ အရင္လုိ လူရွာဖုိ႔ မဟုတ္ေတာ့ပဲ တကယ္စိတ္၀င္တစားကုိ ရထားေပၚမွာ စာအုပ္တစ္အုပ္ သူဖတ္သြားခဲ့သည္။ စာအုပ္ဖတ္ရင္း လူရွာတဲ့ အက်င့္ ေပ်ာက္သြားတာေတာ့ ႏွစ္နဲ႔ ခ်ီခဲ့ၿပီထင္သည္။ ညနဲနဲ နက္ေနေသာေၾကာင့္ ရထားကလဲ လူသိပ္မၾကပ္လွ။ ေနရာရေပမဲ့ အၾကာႀကီး စီးရမွာ မဟုတ္တာေၾကာင့္ သူမထုိင္ေတာ့ပဲ ရပ္ေနလုိက္သည္။ Dhoby Ghaut MRT မွာ ျမန္မာမေလး သံုးေယာက္တက္လာသည္။ အလုိလိုေနရင္း အက်င့္ရေနတာမို႔ သူတုိ႔ကုိ အကဲခတ္လုိက္သည္။ ငယ္သည္။ လွၾကသည္။ နီျမန္းျမန္း မ်က္ႏွာေလးေတြက နဲနဲ မွန္ေနၾကသည္ ထင္သည္။ မိန္းခေလးေတြမ်ား မူးတာေတာင္ လွသည္။ မ်က္လံုးျခင္း ဆံုရင္ေတာ့ ျပံဳးျပႏႈတ္ဆက္လုိက္ဖုိ႔ သူဆံုးျဖတ္ထား၏။ လက္ကစာအုပ္ကိုလဲ လူျမင္သူျမင္အေနအထား ေျပာင္းကိုင္လုိက္သည္။ သူတုိ႔ကေတာ့ သူတုိ႔အရွိန္ႏွင့္ သူတုိ႔ ပတ္၀န္းက်င္ကုိ ဂရုမစုိက္အားပဲ လက္ပံပင္ ဆက္ရက္က်ေနသည္။

ရုတ္တရက္ ၾကားလုိက္ရေသာ စကားတစ္ခြန္းက မ်က္ႏွာကုိ ျဖန္းခနဲ ေႏြးသြားေစသည္။
အသက္သံုးဆယ္ေက်ာ္ ေယာက္်ားတစ္ေယာက္အတြက္ မၾကားရဲစရာ၊ ရွက္စရာ စကားသိပ္မရွိပါ။ ဒါေပမဲ့ ခုေျပာသူေတြက မိန္းခေလးေတြ၊ ငယ္၇ြယ္သူေလးေတြ ျဖစ္သည္။ ဒီကေလးမေလးေတြ သူတို႔စကားနားလည္တဲ့ လူတစ္ေယာက္ေယာက္ အနားမွာ ရွိတယ္ဆုိတာကုိ သိသြားမွာ သူစိုးရိမ္သြားတာ ျဖစ္သည္။

“ဒီေလာက္ ျမန္မာဆန္တဲ့ ငါ့ရုပ္ကုိေတာင္ မရိပ္မိၾကဘူးလားဟ..”

သူ ၿငိဳျငင္စြာေတြးရင္း တဖက္ကုိ မသိမသာလွည့္သည္။ ခ်ာတိတ္ေတြကလဲ သတိလက္လြတ္ ေျပာၿပီး ခုမွ ေဘးဘီကုိ ျပဴးျပဴးျပဲျပဲ အကဲခတ္ေနၾက၏။

“အင္း.. ဒီေန႔မွပဲ ရွားရွားပါးပါး အိတ္ကလဲမပါ။ ဒီစာအုပ္ကုိ ဘယ္လိုဖြက္ရပါ့...”

ဘာပဲေျပာေျပာ ရုပ္ကုိ မသကၤာျဖစ္ခဲ့ရင္ေတာင္ စာအုပ္နဲ႔ေတာ့ သက္ေသမထူခ်င္ပါဘူးေလ။
သူျမန္မာ တစ္ေယာက္ ဆုိတာကုိေပါ့။

ေယာက္်ားနဲ႔ မိန္းမ

Sian Massey၂၄.၁.၂၀၁၁ တနင်္လာနေ့ မနက်ခင်းမှာ ဖတ်လိုက်ရသော သတင်းတစ်ပုဒ်က ကျွန်တော့်ကို တစ်နေ့လုံးနီးပါး အတွေးတွေထဲ နစ်မြုပ်နေစေခဲ့သည်။ Sky Sport ရုပ်သံက သူ့ရဲ့ ရုပ်သံတင်ဆက်သူ နှစ်ဦးကို နှုတ်မစောင့်စည်းမှုနဲ့ ရာထူးက ခေတ္တအနားပေးလိုက်သော သတင်းဖြစ်သည်။ ဝုလ်ဗ်နဲ့ လီဗာပူးတို့ စနေနေ့က ကန်ခဲ့သော ပရီးမီးယားလိဂ် ဘောလုံးပွဲတွင် စည်းကြပ်ဒိုင်၏ မှားယွင်း ဆုံးဖြတ်ချက်တွေ အပေါ် မိုက်ပိတ်ထားချိန် နောက်ပြောင်ပြောဆိုသံတွေက တခြားတဖက် မိုက်ကတဆင့် ဘောလုံးပွဲ ကြည့်နေတဲ့သူတွေ အားလုံးကြားသွားတာကနေ ဒီအဖြစ် ပေါ်လာတာ ဖြစ်သည်။ ဒီလောက်ထိ ကြီးကျယ်သွားရတာက အဲဒီစည်းကြပ်ဒိုင် ဆီယန်မက်ဆေးက အမျိုးသမီး တစ်ယောက် ဖြစ်နေပီး၊ သူတို့ လှောင်ပြောင်မှုကလဲ အဲဒီအမျိုးသမီး ဖြစ်နေမှုအပေါ် ဦးတည်ပြောဆို သွားတာကြောင့် ဖြစ်သည်။ ကျွန်တော့်ကို စိတ်ဝင်စားသွား စေတာကတော့ ကျွန်တော်ကိုယ်တိုင်လဲ အဲဒီပွဲကိုကြည့်နေခဲ့ချိန်မှာ ပရီးမီးယားလိဂ်လို ပွဲကြီးမှာ အမျိုးသမီး စည်းကြပ်ဒိုင်ထားတဲ့ အပေါ်မှာလဲ အထူးတဆန်း စိတ်ဝင်စားခဲ့၊ ဒီစည်းကြပ်ဒိုင်ရဲ့ အမှားအယွင်းတွေ အပေါ်မှာလဲ အမျိုးသမီးဒိုင်တွေများ ညံ့လိုက်တာကွာ ဆိုသော ဝေဖန်အတွေးတွေ တွေးခဲ့သောကြောင့် ဖြစ်သည်။ ကိုယ်တိုင် ယူဆခဲ့တဲ့ ကောက်ချက်တွေနဲ့ ထပ်တူညီခဲ့တာကပဲ ထပ်ဆင့် အတွေးပါွးစရာတွေပါ ဖြစ်လာခဲ့ပါသည်။ ကိုယ့်ကိုယ်ကိုယ် ဆင်ခြေပေးရင် တွေးမိတဲ့ အတွေးတွေလဲ ဖြစ်ချင် ဖြစ်ပါလိမ့်မည်။ ခုခေတ်သည် ယောက်ျား၊ မိန်းမ အခွင့်အရေး၊ ရပိုင်ခွင့် ကွာခြားမှုစည်း ကျဉ်းသထက် ကျဉ်းလာသော ခေတ်ဖြစ်သည်။ မိန်းမများသည် ယောက်ျားများနှင့် နေရာတိုင်းနီးပါးတွင် ရင်ဘောင်တန်းလာကြပြီး မဟုတ်ပါလား။ ရင့်ကျက်သော လူ့အဖွဲ့အစည်း အသိုင်းအဝိုင်း တွေကလဲ ဒါကို အသေအချာ လက်ခံဖို့ ကြိုးစားကြသည်။ ခုလို sky sport က မိန်းမဒိုင် တစ်ဦးကို လှောင်ပြောင်ခြင်း အပေါ် ခြွင်းချက်မထား တုန့်ပြန်လိုက်တဲ့ သတင်းကပဲ လူ့အဖွဲ့အစည်းက မိန်းမတွေကို နှိမ့်ချတာ၊ ခွဲခြားတာကို လက်မခံဘူးဆိုတာရဲ့ ထင်ထင်ရှားရှား သက်သေတစ်ခု ဖြစ်သည်။ ဒါပေမဲ့ ကျွန်တော်တို့တွေ တကယ်ရော မခွဲမခြား လက်ခံနိုင်ကြ ပြီလား။ ယဉ်ကျေးမှုအရဖြစ်ဖြစ်၊ ဖြစ်သင့်တယ်ဆိုတဲ့ လက်ခံမှု အရဖြစ်ဖြစ် မဟုတ်ပဲ ယောက်ျားမိန်းမ တန်းတူမြင်ပေးနိုင်တဲ့စိတ် တကယ်ရော မွေးနိုင် ကြရဲ့လား။ ခု အဖြစ်မှာတောင် အင်မတန် ခက်ခဲလှသေးတယ်ဆိုတာ သိသာပါသည်။ ယဉ်ကျေးမှုအရ ခွဲခြားမှု ဆိုတာကြီး မရှိချင်ရောင် ဆောင်နေပေမဲ့ မိန်းမဘက်မှာရော ယောကျ်ားဘက်မှာပါ ဒီခွဲခြားမှုဟာ ရှိနေသေးတာကို ဖော်ပြနေပါသည်။ အမျိုးသား စည်းကြပ်ဒိုင်တွေ၊ ဒိုင်လူကြီးတွေလဲ အမှားပေါင်း များစွာ လုပ်ခဲ့ဘူးကြတာပဲ မဟုတ်ဘူးလား။ လူကျွံဘောကို နားမလည်သော စည်းကြပ်ဒိုင်၊ ဂိုးဝင်တာကို မဝင်ဘူးမှားတဲ့ စည်းကြပ်ဒိုင်၊ ပယ်နယ်တီကို မှားယွင်း ဆုံးဖြတ်တဲ့ စည်းကြပ်ဒိုင်၊ ဒါတွေကစလို့ မဆုံးနိုင်အောင် များပြားသော ဒိုင်အမှားများတွင် ကျွန်တော်တို့သည် ပယ်ပယ်နယ်နယ် ဝေဖန်ခဲ့ကြသည်။ ဒါပေမဲ့ ထိုဝေဖန်မှုတွေက ဒိုင်ရဲ့ အရည်အချင်းကို ဝေဖန်တာပဲ ဖြစ်သည်။ ညံ့ဖျင်းမှာယွင်းတဲ့ ဆုံးဖြတ်ချက်တွေကို ပြစ်တင် ဆဲဆိုတာပဲ ဖြစ်သည်။ အမျိုးသမီးဒိုင်တွေကြတော့ ကျွန်တော်တို့ အမြင်က အရင်ခံစားချက်တွေနဲ့ မတူလှတော့။ ဒီမှားယွင်းမှုတွေက အမျိုးသမီးဖြစ်သောကြောင့် ဆိုပီး အရည်အချင်းနှင့် မဆိုင်သော ဝေဖန်မှု အမြင်ကို မြင်ကြ၏။ သူမ၏ ညံ့ဖျင်းမှု၊ နားမလည်မှု၊ မှားယွင်းမှုတိုင်းသည် အမျိုးသမီးဖြစ်သောကြောင့် ဆိုသည့် အကြောင်းပြချက်နှင့် အလိုလို တွဲသွားကြသည်။ အမျိုးသမီးတွေကို တန်းတူအခွင့်အရေး ပေးပါသည် ဆိုပြီး ဒိုင်လူကြီး လုပ်ခွင့်ပေးတာကို အသိစိတ်က လက်ခံထားရသော်လည်း တဖက်ကတော့ ဒီစည်းကြပ်ဒိုင်ရဲ့ နားမလည်မှု မှားယွင်းမှုတွေကို အမျိုးသမီးဖြစ်နေခြင်း ဆိုတာနဲ့ ဆွဲတွေးကြ၏။ ဒါပေမဲ့ အမျိုးသမီးဒိုင် ဖြစ်နေသောကြောင့်လဲ အမျိုးသားဒိုင်များပြုလုပ်သော အမှားတွေကို တုန့်ပြန်သလိုတော့ ဒေါသတကြီး မဖြစ်မိပြန်ပါ။ ခွင့်လွှတ် ရီပွဲဖွဲ့နိုင်ခဲ့သည်။ ဒီဒိုင်ဟာ အမျိုးသမီးပဲ။ ဒီလောက်ကြီးတော့ ဘယ်သိမှာလဲ ဆိုသော လက်ခံစိတ်တွေ ရှိခဲ့ကြသည်။ အံ့သြောစရာက အဲဒီစိတ်တွေဟာ ကျွန်တော်တို့ ယောက်ျားတွေတင်မက မိန်းမတွေမှာပါ ရှိနေတာ ဖြစ်သည်။ သေချာတာတော့ ဒီအမျိုးသမီးဒိုင်ကို အမျိုးသားဒိုင်တွေလို မခွဲမခြား မြင်မပေးနိုင်ခဲ့ဘူး ဆိုတာပါပဲ။ ငါတို့တွေ တကယ်လက်မခံနိုင်ပဲ ဘာကြောင့် ဟန်ဆောင်နေကြတာပါလိမ့်.. ကျွန်တော် စဉ်းစားမိပါသည်။ လူ့အဖွဲ့အစည်းကြီး အဖို့တော့ လူသားအားလုံး သာတူညီမျှ မခွဲမခြားခြင်းသည် ကောင်းမွန်သော ဦးတည်ချက်ပင် ဖြစ်သည်။ လုပ်ရပ်တစ်ခုခုကြောင့် မဟုတ်ပဲ၊ စိတ်ဓါတ်စွမ်းဆောင်မှုကြောင့် မဟုတ်ပဲ လူတစ်ယောက်သည် အခြားလူတစ်ယောက်ထက် အလိုလိုနိမ့်ကျနေပါသည်၊ အလိုလို မြင့်မြတ်နေပါသည်ဆိုတာမျိုး မရှိသင့်တော့ပါ။ ယောက်ျားတွေ ဘက်က စဉ်းစားကြည့်ရင်လဲ အမျိုးသမီးတွေကို နေရာပေးပြီး သဘောထားကြီးမြတ်သော ပုရိသယောက်ျား အဖြစ်ကို ခံစားချင်သည့် ယောက်ျားစိတ်သည် တစ်ခု အပါအဝင် ဖြစ်လိမ့်မည် ထင်ပါသည်။ ဒီနေရာမှာ မိန်းမတွေရဲ့ ခံစားမှုကိုတော့ ကျွန်တော် နားမလည်ပါ။ ယောက်ျားမျာနှင့် တန်းတူရင်ပေါင်တန်းနိုင်ပါတယ် ဆိုတဲ့ ကျေနပ်မှုတစ်ခုခု? ဖြစ်ချင်လည်းဖြစ်မည်။ တခြားအချက်တွေလဲ ရှိချင်ရှိမည်။ ဒီတော့ ယောက်ျားမိန်းမ မခွဲခြားခြင်းသည် ခေတ်သစ် လူ့အဖွဲ့အစည်း၏ သဘောထား ကြီးမြတ်မှု၊ တန်းတူညီမျှမှု၊ အမြင်ကျယ်မှု ဒါတွေရဲ့ ပြယုဒ် ဖြစ်လာခဲ့သည်။ အတွင်းစိတ်က မဟုတ်ပဲ ဟန်ဆောင်နေရတာကြောင့်လဲ တချို့နေရာတွေမှာ အရေးပေးမှုတွေက လိုတာထက် ပိုပိုသာသာ ဖြစ်နေရတာမျိုးလဲ ဖြစ်နိုင်ပါသည်။ ခုသတင်းကြေငြာသူ နှစ်ယောက်ဟာ အမျိုးသားဒိုင်တစ်ယောက်ကို ပုံစံတူ နောက်ပြောင်ရင်ကော၊ ခုလို အရေးယူမှုတွေ အကျယ်တဝင့် ပေါ်လာပါ့မလား။ သိပ်တော့ မထင်လှပါ။ ခုသတင်းသည် ယောက်ျားမိန်းမ ခွဲခြားမှု နက်ရှိုင်းစွာ တည်ရှိနေတဲ့ ကျွန်တော်တို့ရဲ့ အတွင်းစိတ်၊ အဲဒါကို လက်မခံသင့်မှန်း၊ မှားယွင်းမှန်းသိပီး အတင်းဟန်ဆောင်ထားတဲ့ ပတ်ဝန်းကျင်စိတ် ဒီနှစ်ခုရဲ့ ပဋိပက္ခ သဘောမျိုး ဆောင်ပါသည်။ ဒါကြောင့်လဲ လူ့အဖွဲ့အစည်းဟာ သူကာကွယ် ဖုန်းဖိဖို့ ကြိုးစားထားတဲ့ အတွင်းစိတ်ရဲ့ သရုပ်မှန်ကို ဖော်ပြသလို ဖြစ်သွားတဲ့ ဒီဖြစ်ရပ်ကို လိုတာထက် ပိုပီး အတင်းကြောက်ကန်ကန် ပြင်းပြင်းထန်ထန် တုန့်ပြန်ခဲ့တာ မဟုတ်ဘူးလားလေ။

ေရာ္ဘင္သုု

ကျွန်တော် ရေပုံးထဲကရေကို ဇလားလေးထဲ လောင်းချလိုက်သည်။ စိမ်းမြကာ ကြည်လင်နေသော ရေတွင်းထဲကရေသည် ဇလားထဲရှိ ဗွက်များနှင့်ရောကာ ချက်ခြင်းနောက်ကျိ သွားသည်။ ထိုနောက်ကျိကျိရေနှင့်ပင် ဗွက်တို့လူးနေသည့် လက်ကို အသာနှစ်ဆေးရင်း နေပူထဲမှာ လှမ်းထားသော လောက်စာလုံးများကို အကဲခတ်လိုက်သည်။ ရလောက်ပီထင်သည်။ စလုံးခါစက ရွှံ့နှစ်ရောင် ပြေးနေသော လောက်စာလုံးများသည် ကျစ်ကျစ်တောက် နေပူထဲတွင် အဖြူရောင်ကူးစ ပြုနေကြပြီ။

“ရပီထင်တယ်ကွ.. ဘယ်လောက်ကြာအောင် လှမ်းရမှာလဲ..”

နေပူထဲက လောက်စာလုံးများ ဘေးမှာပင် ငုတ်တုတ်ထိုင်ရင်း ကျွန်တော် စိတ်လောကာ မေးလိုက်သည်။ ထိုလောက်စာလုံးများကို ထိတော့မထိရဲ။ ကိုယ်ကိုင်လိုက်လို့ မတော်တဆ ပျက်သွားရင် အချောင် ဆဲခံထိမည်လေ။

“ခု ပစ်မယ်ဆိုလဲ ပစ်လို့တော့ ရနေပါပီ.. ခဏလေး ထပ်စောင့်လိုက်ရင်တော့ ပိုကောင်းတာပေါ့”

စိုးဝင်းက ဆရာကြီးလေသံဖြင့် ပြော၏။ မျက်နှာထားကိုပါ ကျွန်တော်တို့ကို ရှင်းပြနေသည့် ပုံစံဖမ်းထားသေးသည်။ ဒါပေမဲ့ ကျွန်တော်ရော ကျွန်တော့အကိုပါ သေချာပင် နားထောင်ပီး လောက်စာလုံးများကို ငေးကြည့်ကာ ခေါင်းတငြိတ်ငြိတ် လုပ်နေကြသည်။ ခုနှစ်တန်း တက်ရမည့် စိုးဝင်းသည် ကျွန်တော်တို့ အတွက်တော့ အတန်းပညာလည်းကြီး၊ ခုလိုလောက်စလုံး လုပ်ရာမှာလည်း ဆရာကြီး ပင်ဖြစ်သည်။

ဒါပထမဆုံးအကြိမ် လောက်စာလုံးနှင့် လေးခွပစ်ဖို့ အခွင့်အရေးပင် ဖြစ်သည်။ ညီအကို နှစ်ယောက်လုံး ငါးတန်းအောင်သည့်အထိ တစ်ခါမှ ဒီလိုမဆော့ဘူးကြတာမို့လဲ အရမ်းတက်ကြွနေကြသည်။ ခုလည်း လူကြီးတွေ မသိကြပါ။ မြိတ်ရောက်ခစလဲဖြစ်၊ ကျောင်းတွေတက်ဖို့ကလည်း စောင့်နေရတုန်းအချိန်လဲဖြစ်တာမို့ စိတ်ကြိုက် ဆော့ကစားခွင့် ရနေခြင်းဖြစ်သည်။ ညီအစ်ကိုနှစ်ယောက် ဟိုယောင်ယောင် ဒီယောင်ယောင် ဆော့နေတုန်း ဘေးအိမ်မှ စိုးဝင်း၏ မင်းတို့ ငှက်ပစ်မလားဆိုသည့် ကမ်းလှမ်းချက်သည် ကျွန်တော်တို့အတွက် တကယ့်ကို အထူးအဆန်းဖြင့် မငြင်းဆန်နိုင်အောင် ဆွဲဆောင်မှု ကောင်းခဲ့သည်။ အားကျိုးမာန်တက်ပင် ရွှံ့ခူးကြ ရေနှုးကြဖြင့် တစ်နာရီနီးပါးမျှ အလုပ်ရှုပ်ခဲ့ကြ၏။

မကြာပါ။ လောက်စာလုံးများ အိပ်ထဲ ဖောင်းနေအောင် ထည့်ကာ ကျွန်တော်တို့ ညီအစ်ကိုနှစ်ယောက် ဟိုချောင်းဒီချောင်းနှင့် ငှက်များကို လိုက်ကြည့်နေကြသည်။ ပစ်ပုံပစ်နည်းကိုလည်း စိုးဝင်းက သေချာပြထားတာမို့ လက်က ပစ်ချင်လှပြီ။ ပန်းခြုံကြားထဲက စာကလေးတစ်ကောင်ကို ကျွန်တော်တွေ့လိုက်သည်။ ငှက်က ကျွန်တော့ကို ဂရုမစိုက်တာလား မမြင်တာလားမသိ။ ကျွန်တော်လက်ဆန့်လိုက်တာတောင် ထမပျံပဲနေသည်။ အရေးထဲ ထူပိန်းနေအောင် အမေလိမ်းပေးထားသော သနပ်ခါးက ချွေးနှင့်ရောကာ မျက်စိကို စပ်ဖျဉ်းဖျဉ်း နေရာခက်စေသည်။ ဒါတွေဂရုမစိုက်အားပါ။ အသက်အောင့်ပီး မျှော့ကြိုးကို လွှတ်လိုက်သည်နှင့် လောက်စာလုံး ပြေးထွက်သွားသည်။ ငှက်ကို ထိသွားတာ ကျွန်တော်မတွေ့လိုက်။ ဒါပေမဲ့ စာကလေးသည် ဖုတ်ခနဲ အောက်ပြုတ်ကျသည်။ ပီးတော့ မြေကြီးတွင် တောင်ပံတဖတ်ဖတ်ရိုက်ကာ လူးလှိမ့်နေသည်။

လေးခွသည် လက်ထဲက ဘယ်လိုလွတ်ကျသွားမှန်းပင် ကျွန်တော်မသိလိုက်။ ပျော်စရာမကောင်းပါ။ နှလုံးသည် တဒုတ်ဒုတ်ဖြင့် ပြင်းစွာခုန်ကာ လည်ချောင်းထဲ ဆို့လာသည်။ ကျွန်တော် အိမ်ဘက် လှည့်ပြေးသည်။

အမေသည် ရုတ်တရက်ပြေးဝင်လာကာ ဖက်လိုက်သည့် ကျွန်တော့ကို အလန့်တကြားဖြင့် ငုံ့ကြည့်သည်။

“ဟဲ့.. ဘာဖြစ်တာလဲ.. သား.. ဘာဖြစ်တာလဲ ပြောစမ်း..”

“စာကလေး.. စာ.. စာကလေး.. သေပီလားမသိဘူး..” ကျွန်တော် တုန်ယင်စွာပြောသည်။ အမေ အေးစက်စက် ကျွန်တော့် လက်တွေကို ဆုပ်ပီး သေချာထပ်မေးသည်။

“ကျွန်တော်ပစ်လိုက်တာ ထိသွားပီ.. သေပီလားမသိဘူး.. အီးဟီးဟီး...”

ပြောရင်းမှ ကျွန်တော်ငိုတော့သည်။ ထိုနေ့က လူကြီးတွေ ကျွန်တော့်ကို တော်တော် ချော့လိုက်ရသည်။ ကျွန်တော့်အမက သွားကြည့်ပီး မသေပါဘူး.. ရှပ်ထိသွားတာ... ထတောင် ပျံသွားပီဟုဆိုသည်။ အမေကတော့ စိုးဝင်းကိုရော ကျွန်တော့်အကိုကိုပါ ဆူပူလိုက်သည်မှာ မနည်း။ အမေလုံး၀ မကြိုက်သည့် ကစားနည်းကို ဆော့တာချင်းတူတူ ကျွန်တော်က အဆူလွတ်သွားပီး အကိုကတော့ နားပူအောင်ကို အဆူခံလိုက်ရတော့သည်။

-----------------------------------------------------------------------

တကယ်တော့ အဲဒီနေ့က ကျွန်တော်ပစ်ခဲ့တဲ့ စာကလေးက မရှင်ခဲ့ပါဘူး။ အမက ကျွန်တော် စိတ်ပြေအောင် တမင်ပြောခဲ့တာပါ။ အဲဒီလိုမျိုး လေးခွကို ပထမဆုံးအကြိမ် စဆော့ပီး ငှက်ကို ပထမဆုံး အချက်နဲ့ကို ထိအောင်ပစ်ခဲ့တဲ့ ကျွန်တော်ဟာ နောက်ပိုင်း လူကြီးတွေ လစ်ပီဆိုတာနဲ့ လေးခွခိုးပစ်ပီး အကျွမ်းတဝင်ရှိလာတဲ့ အချိန်ကြတော့ ရှစ်တန်းနှစ်ထိ သုံးနှစ်လောက်နီးပါး ပစ်ခဲ့တာတောင် မှတ်မှတ်ရရ နှစ်ကောင်ပဲ ထပ်ထိပါတော့တယ်.. လက်မှန်ပုံများ စံတင်လောက် ပါတယ်လေ.. အဲဒီလက်မမှန်တာကတော့ ကိုးတန်း ဆယ်တန်းရောက်လို့ စက္ကူမျှားတွေ ပစ်တဲ့ထိပါပဲဗျာ..

ရန္ကုုန္ကလူ

“နင္ကလည္း.. အျမန္ေလွ်ာက္ပါဟ..”

ေျပာရင္းက ကၽြန္ေတာ္ ေျခလွမ္းကုိ ပိုသြက္ပစ္လုိက္သည္။ သစ္ရိပ္မ်ားၾကားမွ ခပ္စူးစူးထုိးေနေသာ မြန္းတည့္ေနေရာင္၊ လြယ္ထားရေသာ လြယ္အိတ္ေလးေလးႀကီးတုိ႔ၾကားမွ ခပ္ျမန္ျမန္ ေလွ်ာက္ေနရသျဖင့္ ပူေလာင္အိုက္စပ္ကာ ေခၽြးတုိ႔ ရႊဲေနၿပီ ျဖစ္ေသာ္လည္း စိတ္ေဇာက ထုိအရာေတြကုိ သတိမရအားပါ။ အေရးႀကီးတာက ေက်ာင္းကုိ အခ်ိန္မီေရာက္ဖုိ႔ပင္။

”ငါ ဗုိက္ေအာင့္ေနပီ.. အရမ္းအျမန္ႀကီး မေလွ်ာက္ႏိုင္ေတာ့ဘူးကြ..” ကၽြန္ေတာ့္အကုိက ၿငီးျငဴသံတစ္၀က္ျဖင့္ ျပန္ေအာ္၏။
”ကၽြတ္”ခနဲ စိတ္ညစ္စြာျဖင့္ သူ႔ကုိ မ်က္ေမွာင္ကုတ္ ၾကည့္လုိက္ေသာ္လည္း ဘာမွေတာ့ ထပ္မေျပာျဖစ္ေတာ့။ တကယ္ေတာ့ ခုလုိေနာက္က်ရတာလည္း ကုိယ့္ေၾကာင့္ပင္ မဟုတ္လား။ ဆယ္ငါးမိနစ္နီးနီးေလာက္ လမ္းေလွ်ာက္ရေသာ ထ(၃) ေက်ာင္းႏွင့္ ကၽြန္ေတာ္တုိ႔ အလယ္ကၽြန္း အိမ္သည္ ထမင္းစားခ်ိန္ဘာညာ ထည့္တြက္လုိက္မည္ဆုိလွ်င္ မုန္႔စားဆင္းခ်ိန္တစ္နာရီသည္ အစြန္းအထင္းမခံ ကြက္တိနီးပါး။ ဒီေတာ့ ကၽြန္ေတာ္ ထမင္းစားပီး ဗုိက္နာကာ အိမ္သာထဲေရာက္ခဲ့သည့္အျဖစ္က ခုလုိ ကၽြန္ေတာ္တုိ႔ႏွစ္ေယာက္ကုိ အေျပးအလႊား ျဖစ္ေနေစျခင္းျဖစ္သည္။

ေက်ာင္းနားနီးလာေသာ္လည္း ေခါင္းေလာင္းသံမၾကားရေသးသျဖင့္ ကၽြန္ေတာ့္စိတ္ အနည္းငယ္ၿငိမ္သြားသည္။ နာရီေတြ ဘာေတြလည္း ညီအစ္ကုိႏွစ္ေယာက္လံုး မပတ္ရတာမုိ႔ အခ်ိန္ေနာက္က်ေနပီဆုိတာ သိေသာ္လည္း ဘယ္ေလာက္ျဖစ္ေနမွန္း မသိႏုိင္ပါ။

”ေက်ာင္းမတက္ေသးဘူး ထင္တယ္ကြ..” ကၽြန္ေတာ္ခပ္တုိးတုိးေရရြတ္သည္။ ဒါေပမဲ့ လမ္းမွာ ေက်ာင္းသားတစ္ေယာက္မွ မေတြ႕တာမုိ႔ ကုိယ့္ဘာသာလဲမေသခ်ာ။

”ငါေျပာသားပဲ ဒီေလာက္ မေနာက္က်ပါဘူးဆုိ..”

ဒါေပမဲ့ သူေျပာတာမွားမွန္း ေက်ာင္းနားနီးလာတာႏွင့္ ကၽြန္ေတာ္တုိ႔ သိလုိက္သည္။ ေက်ာင္းတံခါးမသည္ ပိတ္လွ်က္။ ဆရာ ဆရာမမ်ားအား ႏႈတ္ဆက္သံမ်ားသည္ ဟုိအခန္း ဒီအခန္းတုိ႔မွ လမ္းေပၚလွ်ံက်လာေနသည္။

ထူထူပူပူျဖင့္ ကၽြန္ေတာ္ ဘာလုပ္ရမွန္းမသိ ျဖစ္သြားသည္။ တကယ္ေတာ့ မမွီေတာ့လို႔ အိမ္ျပန္ျခင္းသည္ ဘာမွမျဖစ္လွတာကုိ ခုႏွစ္တန္းဦးေႏွာက္က မစဥ္းစားမိျခင္းလည္း ျဖစ္၏။

”ဟာ.. ဟုိမွာ ၀င္လုိ႔ရတယ္ကြ..”

ကၽြန္ေတာ့္အကုိ ေအာ္သံေၾကာင့္ လွမ္းၾကည့္လုိက္ေတာ့ ေက်ာင္းမုန္႔ဆုိင္ အေနာက္နားကပ္ရပ္တန္းကေန အုတ္နံရံကုိ ေက်ာ္ကာ ေက်ာင္း၀င္းထဲ ခုန္ခ်သြားေသာ ေက်ာင္းသားႀကီး တစ္ေယာက္ကို ရိပ္ခနဲ ကၽြန္ေတာ္ျမင္လုိက္သည္။ တုိင္ပင္စရာမလုိပဲ ကၽြန္ေတာ္တုိ႔ ႏွစ္ေယာက္လုိ ထုိေနရာသို႔ တန္းေျပး၏။ မုန္႔ဆုိင္တန္းကုိ သိပ္မမွီလွေပမဲ့ တစ္ေယာက္ကုိ တစ္ေယာက္ပင့္ေပးလုိက္ရင္း တန္းကတစ္ဆင့္ အုတ္နံရံေပၚသို႔ အလြယ္ပင္ ေရာက္သြားသည္။
အားပါး ခုန္ခ်ရမွာ ေတာ္ေတာ္ျမင့္သား။ ဒါေပမဲ့ မတတ္ႏုိင္.. လြယ္အိတ္ကုိ အရင္ပစ္ခ်ပီး ကၽြန္ေတာ္ခုန္ခ်လုိက္သည္။ ေအာက္ေရာက္တာနဲ႔ ဖုတ္ဖက္ခါထကာ ကၽြန္ေတာ္တုိ႔ ႏွစ္ေယာက္ ေက်ာင္းေဆာင္ေဘးကေန ေလွကားဆီသို႔ ပတ္ေျပး၏။

”ဟိတ္ေကာင္ေတြ”
ေလွခါးတက္ခါနီးပဲရွိေသးသည္။ ဟိန္းထြက္လာေသာ အသံေၾကာင့္ ႏွစ္ေယာက္လံုး လန္႔ကာ တုန္သြား၏။
လွည့္ၾကည္လုိက္ေတာ့ ေက်ာင္းအုပ္ႀကီး။

”လာစမ္း.. မင္းတုိ႔ အုတ္နံရံ ေက်ာ္လာတာမဟုတ္လား..”
ေလသံေရာ မ်က္ႏွာပါမာထန္ေနသည့္ ဆရာႀကီးကုိ ၾကည့္ကာ ႏွစ္ေယာက္လံုးအသံမထြက္ေတာ့..

”ေဟ့ေကာင္ေတြ.. ေျပာေလ..”
”တံ.. တံခါးပိတ္သြားလုိ႔ပါ.. ဆရာႀကီး..” ကၽြန္ေတာ့္အကိုက အထစ္ထစ္ေငါ့ေငါ့ ေျဖသည္။

ေၾကာက္တာေရာ.. ေမာတာေရာ ေပါင္းကာ ေခၽြးေတြျပန္ေနပီး မ်က္ႏွာငယ္ေလးေတြနဲ႔ ျဖစ္ေနေသာ ကၽြန္ေတာ္တို႔ ႏွစ္ေယာက္ကုိၾကည့္ပီး ဆရာႀကီး နဲနဲေတာ့ မ်က္ႏွာေလ်ာ့လာသည္။ ဒါေပမဲ့ ေလသံကေတာ့ မာဆဲပင္။

”ဘာလုိ႔ အခ်ိန္မီမလာၾကလဲကြ.. ေျပာစမ္း မင္းတုိ႔ဘယ္ကလာတာလဲ..”
”ရန္ကုန္ကပါ ဆရာႀကီး..”

အကုိ႔ ေျဖသံအဆံုးမွာ ဘာကြဆုိေသာ အသံႀကီးႏွင့္ ကၽြန္ေတာ္တုိ႔ ႏွစ္ေယာက္လံုး တေျဖာင္းေျဖာင္းႏွင့္ နရင္းတစ္ခ်က္ဆီ အတီးခံလုိက္ရသည္။ တစ္ခ်က္ေပမဲ့ ေတာ္ေတာ္အီတဲ့ တစ္ခ်က္ပါ။

”ေနာက္ အုတ္နံရံကုိ မင္းတို႔ ေက်ာ္ဦးမလား ေျပာစမ္း.. ဟုိေရွ႕က ျမင္လုိက္ရတဲ့ ေကာင္ကေရာ မင္းတုိ႔အသိပဲလား..”
ဆရာႀကီး အေမးကုိ ႏွစ္ေယာက္လံုး ေခါင္းပဲခါရဲေတာ့သည္။ ဘာမွျပန္မေျပာရဲ။

”ေျပာစမ္း မင္းတုိ႔ဘယ္အတန္းကလည္း” ေမးပီးေတာ့မွ ရင္ပတ္က VII-C ဆုိတဲ့ တံဆိပ္ကုိ ၾကည့္ပီး..
”တက္ၾက.. မင္းတုိ႔ဆရာမဆီ ငါကုိယ္တုိင္လုိက္အပ္စမ္းမယ္...”

ႏွစ္ေယာက္လံုး ေရွ႕က ကုတ္ကုတ္ကုတ္ကုတ္ႏွင့္ လက္ပုိက္ပီး တက္ခဲ့ၾကသည္။ ပထ၀ီအခ်ိန္ ျဖစ္ေသာေၾကာင့္ ပထ၀ီဆရာမပဲရွိသည္။ ဆရာမက အရမ္းေအးတဲ့ ဆရာမ။ ဟုတ္ကဲ့ ဆရာႀကီး ဟုတ္ကဲ့ဆရာႀကီး ႏွင့္သာ ဆရာႀကီးေျပာသမွ် ေခါင္းညိတ္လုိက္ပီး ဆရာႀကီးထြက္သြားေတာ့

”သားတုိ႔ကလည္းကြယ္.. ဘာလုိ႔ အဲလုိႀကီးေက်ာ္၀င္ရတာလည္း.. ေဘးလူေတြ ျမင္ေတာ့ေရာ.. ေကာင္းပါ့မလား..”
ဆရာမက ဆံုးမစကားကုိ ခပ္ေအးေအးသာ ဆုိ၏။ ဆူျခင္းဆဲျခင္း မရွိပါ။

အင္း..ေတာ္ပါေသးရဲ႕..

ညီအစ္ကုိႏွစ္ေယာက္ ပူပီးနာေနေသာ ဂုတ္ေလးေတြကုိယ္စီပြတ္ကာ ၿငိမ္ပီးထုိင္ေနၾကေတာ့၏။

.......................................................................

ျမိတ္ၿမိဳ႕.. အထက (၃) ရဲ႕ ခုႏွစ္တန္းေက်ာင္းသား ဘ၀တုန္းက ၾကံဳခဲ့ရတဲ့ ကၽြန္ေတာ္တုိ႔ ညီအစ္ကုိႏွစ္ေယာက္ရဲ႕ အျဖစ္ေလးေပါ့ဗ်ာ.. ဆရာေတြဆရာမေတြ ဆံုးမလုိ႔ ဘယ္ေတာ့မွ စိတ္မဆုိးတဲ့ အေမတို႔ကေတာ့ သားတုိ႔က ေက်ာ္၀င္တာကုိးဆုိတဲ့ စကားကုိသာဆုိလုိ႔.. ေနာက္ေန႔ကစပီး ထမင္းဘူးယူဖုိ႔ စီစဥ္ေပးပါေရာ..

ဒါေလးက အမွတ္တရျဖစ္သလုိ ရီစရာလည္း ေကာင္းတယ္ဗ်.. ဘာလုိ႔လဲဆုိေတာ့ အတန္းထဲမွာ နဲနဲေအးေအးေဆးေဆး ရွိတဲ့ ကၽြန္ေတာ္တုိ႔ ႏွစ္ေယာက္အျဖစ္ကုိ သိေတာ့ အတန္းပုိင္ဆရာမကလည္း သူ႔တပည့္ေတြကုိ အဲေလာက္ေတာင္ တီးရမလားဆုိပီး ဆရာႀကီးကုိ ရွင္းျပသလုိလုိနဲ႔ ရန္သြားလုပ္ပါေရာဗ်ဳိ႕.. ဆရာႀကီးကေျပာတာေတာ့ ”ခင္ဗ်ားတပည့္ေတြကဗ်ာ.. က်ဳပ္က ဘယ္ကမ်ားလာရလုိ႔ ေနာက္က်တာလဲ ဆုိပီး ေလ်ာ့ေပါ့စဥ္းစားေပးမလုိ႔ ေမးတာကုိ ေျဖပံုကၾကည့္ဦး.. ရန္ကုန္ကတဲ့.. ကဲ.. က်ဳပ္ေဒါသမထြက္ရင္ ဘယ္သူထြက္မလဲ..” ဆုိပဲ.. ဟားဟား..


သုတ

တူမနဲ႔ အမႊာတူေလးႏွစ္ေယာက္

အဲဒီတုန္းက ေလဆိပ္မွာ ဖုန္းကင္မရာေလးနဲ႔ ရိုက္ခဲ့တာပါ.. သံုးေယာက္လံုးက အဲဒီဖုန္းကို အႀကီး အက်ယ္ကလိခ်င္ေန ၾကတာဆိုေတာ့ အိုက္တင္ေကာင္းေကာင္း လုပ္မွ ေပးကိုင္မယ္ဆိုပီး ရိုက္ခဲ့တဲ့ ပံုေပါ့.. ပီးတာနဲ႔ ဘက္ထရီကုန္တဲ့အထိကို သံုးေယာက္သား လုယက္ ရန္ျဖစ္ၿပီးကို ေဆာ့ၾကေတာ့တာပါပဲ.. ကၽြန္ေတာ္လဲ ကိုယ့္စကားနဲ႔ကိုယ္ ငုတ္တုတ္ထိုင္ၾကည့္ခဲ့ရတာေပါ့..

စိတ်

နာရီက နှိုးစက်သံနဲ့အတူ ဘေးမှာ အခန်းဖော် သူငယ်ချင်းတွေ လှုပ်လှုပ် လှုပ်လှုပ် (ကသုတ်ကရက်ပေါ့ဗျာ) ပြင်ဆင်နေကြတော့ နိုးနေလျှက်နှင့်ပင် မျက်လုံးကို မဖွင့်ပဲ သူဆက်မှိန်းနေသည်။ လုံးဝမထချင်ပါ။ ရုံးလည်း မသွားချင်ပါ။ စိတ်ရှိလက်ရှိ ဆက်အိပ်နေချင်စိတ်က တော်တော်ကြီးကို ပြင်းထန်နေ၏။


ဒါပေမဲ့လည်း နာရီဝက် လေးဆယ့်ငါးမိနစ်လောက်ထက် ပိုပီး အချိန်မဆွဲရဲ။ အချိန်တန်တော့လည်း ကုန်းရုံးထရတော့သည်။ ဒါတောင် ရုံးနဲ့အိမ်က ဘာမှစီးစရာ မလိုလောက်အောင် နီးနေတာမို့ ဒီလောက် အချိန်ရတာဖြစ်သည်။ သွားတိုက်နေရင်း မှန်ထဲမှပေါ်နေသော ပုံသည် လေးပင်သောစိတ်ကြောင့် ထိုင်းမှိုင်းနေ၏။ မနေ့ညနေလောက်က စပီး ထိုင်းမှိုင်းလေးလံလာတာပါ။


လေးပင်ဖင့်နွဲ့နေသောကြောင့်လားပင်မသိ၊ လက်မှနာရီသည် သာမာန်ထက် ပိုမြန်နေသလို သူထင်မိသည်။ ဘာမှမလုပ်ရသေးပဲကို အိမ်ကထွက်ချိန်က ရောက်လာသည်။ တံခါးသော့ခတ်ချိန်မှာ “သွားပီဗျို့”လို့ အော်ဟစ်နှုတ်ဆက်ပီး ရုံးသွားခဲ့တဲ့ မြန်မာပြည်က အချိန်ကို လွမ်းမိ၏။ ခုတော့ တံခါးချပ်သည် အေးစက်စက် ရှုတည်တည်ပင်။


လက်ထဲမှာ ထမင်းချိုင့်လည်း ဆွဲစရာမလိုပါ။ အမိုးတွေအောက်က သွားရသည်မို့ ထိန်တောက်နေသည့် နေကလည်း အနှောင့်အယှက်ကြီးမဖြစ်။ ဒါပေမဲ့ ပေါ့ပေါ့ပါးပါး ဖြစ်မနေသလို တက်တက်ကြွကြွလည်း မရှိ။ ခုရုံးသွားမည်။ အလုပ်လုပ်မည်။ ပြန်လာမည်။ နောက်နေ့ပြန်သွားမည်။ ဘဝက ဒါပဲလား။ ရုံးပိတ်ရက်တွေ လမ်းမရှိလမ်းရှာထွက်။ ပျော်လားမပျော်လားလည်း မသေချာ။ ပိုက်ဆံတွေကုန်။ အကုန်မခံနိုင်တဲ့အချိန် အခန်းထဲမှာနေတော့လည်း လူက ကျဥ်းကျပ်ကျပ် ယောင်တောင်တောင်။  သူတော်တော်ကို ရှည်ရှည်လျောက်တွေးနေမိသည်။ စိတ်ပျက်နေမိသည်။ မိသားစုကိုလွမ်းသည်။ မြန်မာပြည်ကိုလွမ်းသည်။


ဟိုမှာ ဒီထက်မက ပင်ပင်ပန်းပန်းလုပ်ရသော်လည်း ပင်ပန်းတယ်လို့မထင်မိပါ။ ဆူညံနေသည့် မိသားစုသည်လည်း ခုတိတ်ဆိတ်နေသော ပျင်းခြောက်ခြောက် ပတ်ဝန်းကျင်ထက် သာသလိုပင်။ နာရီအချိန်တို့သည် ခုလိုမမြန်လှဟုထင်သည်။


အတွေးတွေနဲ့ ရုံးခန်းထဲလှမ်းဝင်လိုက်သည်။ နှုတ်ဆက်သူ လုပ်ဖော်ကိုင်ဖက်များကို ပြန်နှုတ်ဆက်ရင်း ကွန်ပျူတာရှေ့မှာထိုင်သည်။ နေ့စဉ်ဖြည့်ရသည့် report မှာရက်စွဲတပ်သည်။ သြော်.. ဒီနေ့တနင်္လာနေ.ပဲ။


တနင်္လာ နေ့တိုင်း အလုပ်သွားလျှင် သူအိမ်ကိုပိုလွမ်းတတ်သည်။ အတွေးတို့သည် ဘဝနှင့်ချီပီးကို အကြီးအကျယ်ကို လျောက်တွေးပစ်တတ်သည်။ ဘာကြောင့်ရယ်မသိ။


နောက်ပိုင်းရက်များသည်မူ သူလိုငါလိုနေ့များကဲ့သို့ပင် ဘဝအကြောင်း ခေါင်းထဲပင်မရောက်ပါလေ။

ဖယောင်းတိုင်

မိသားစုထံအလည်ပြန်ရန်ဆိုပီး ခွင့်စာမှာရေးလို့ HR မှာ သွားတင်လိုက်တဲ့အချိန်ကစပီး ကျွန်တော့်ရဲ့ ကိုယ့်ရှုးကိုယ်ပတ်မှု စခဲ့ပါတယ်.. ကျွန်တော့်ရဲ့ ဌာနကရော.. တခြားဌာနတွေက ခင်ရာမင်ရာလူတွေကပါ မြန်မာနိုင်ငံ လိုက်လည်ကြမယ်လို့ ဆုံးဖြတ်ကြလို့ပါပဲ.. ပထမ နောက်နေတယ်ထင်ပေမဲ့ လေယာဉ်လက်မှတ်တွေ ဖုံးဆက်စုံစမ်းကြ.. ခွင့်ရက်ကျန်တွေ စစ်ကြနဲ့ အလုပ်ရှုပ်လာတဲ့ သူတို့ကို ကြည့်ပီး မျက်လုံးပြူးလာရပါရော..


အလုပ်စ၀င်ခါစက ကျွန်တော့်ကို မြန်မာဆိုတာ ဘယ်လိုမျိုးလဲဆိုတဲ့ လုံးလုံးမသိတဲ့လူတွေကမေးတဲ့ မေးခွန်းတွေကစလို့.. မြို့ထဲမှာ စစ်ကားတွေ တင့်ကားတွေ တဂျိမ်းဂျိမ်းနဲ့သွားနေပီး လူတွေက ကြောက်ကြောက်လန့်လန့် ခပ်ကုတ်ကုတ်လေး သွားနေရတဲ့ နိုင်ငံကြီးလားဆိုတဲ့ ကြားဖူးနား၀အမေးတွေအလယ်.. နိုင်ငံခြားသားတွေသွားရင် အရမ်းစစ်ပီး ဖမ်းတာလားဆိုတဲ့ မေးခွန်းမျိုးတွေအဆုံး... ဒါတွေကို မခံချင်စိတ်နဲ့ ဓါတ်ပုံတွေခေါ်ပြ.. ဘယ်လောက်လှတယ်ဆိုတာတွေ.. ကျယ်ပြန့်ပီး သွားစရာတွေ အများကြီးဆိုတာတွေ ပိုပိုသာသာပြောလို့ နိုင်ငံကို မားကတ်တင်း ဆင်းပစ်လိုက်တာ.. တော်တော်လေး စိတ်၀င်စားလာကြပါလေရော.. ဒီကြားထဲ ကုမ္ဗဏီကို ပုံမှန်ပစ္စည်းသွင်းတဲ့ လူတစ်ယောက်က မြန်မာပြည်သွားလည်ပီး ပြန်လာတယ်ကြားတော့ အဲဒီလူကို ဝိုင်းမေးကြ.. ကံကောင်းချင်တော့ အဲဒီလူကလည်း အပီအပြင်ကို ချီးမွမ်းသွားတဲ့အပြင် ဈေးချိုချိုသာသာနဲ့ တကယ်အတွေ့အကြုံရပီး သဘာ၀တရားတွေနဲ့ အရမ်းလှတဲ့နိုင်ငံကို သွားလည်မယ်စိတ်ကူးရင်တော့ မြန်မာနိုင်ငံဟာ ကမ္ဘာမှာအကောင်းဆုံး နိုင်ငံပဲလိုလဲဆိုရော.. ဟီးဟီး.. ကျွန်တော်လည်း နားရွက်နဲ့ပါးစပ်ချိတ်လို့ သူတို့လည်း ပိုးတွေအတောမသတ်နိုင်အောင် တိုးလာပါလေရော..


တကယ်တော့ မခေါ်ချင်တာ မဟုတ်ပါဘူး.. ဒါပေမဲ့ ကိုယ်ပြန်ရတဲ့ နှစ်ပတ်လေးအတွင်းမှာ မိသားစုတွေ.. အပေါင်းအသင်းတွေနဲ့ပဲ ကုန်ဆုံးချင်စိတ်ကြောင့်ပါ.. ပီးတော့ ဘာပဲပြောပြော ကိုယ်ကအိမ်ရှင်ဆိုတော့ ကျွေးရမွေးရ ဟိုပိုဒီပို့ဆိုရင်.. ဘတ်ဂျတ်ကလည်း နည်းမှာမဟုတ်ဘူးလေဗျာ.. အခွန်ဆောင်.. လေယာဉ်လက်မှတ်.. လက်ဆောင်ပစ္စည်း ဟိုဟိုဒီဒီနဲ့ ခေါင်းကိုက်နေရ.. ချီးငှားနေရတဲ့အထဲ အဲဒါတွေကိုတော့ ထပ်အပိုမကုန်ခံချင်တာအမှန်ပါ.. အဲဒီတော့ ခွင့်ယူမဲ့ရက်ကို နဲနဲအနာခံပီး ကြားရက်က စယူပီး တရုတ်နှစ်ကူးကို ခွရွှေ့လိုက်တယ်.. နှစ်ကူးရင် အမျိုးတွေဆုံနေကြမို့ ဘယ်မှသွားလို့မရတဲ့ တရုတ်မသုံယောက်လောက် ရှုံ့မဲ့မဲ့နဲ့ ပြုတ်သွားတယ်.. နောက်တစ်ယောက်ကတော့ ကျွန်တော်နဲ့ရာထူးတူမို့ တစ်ယောက်တော့ ရှိနေရမယ်ဆိုတော့ ခွင့်ယူလို့ မရတော့ဘူး.. ကျွန်တော့် အထက်က Art Director နဲ့ MD ကတော့ လာလည်ကြမယ်.. ဒါပေမဲ့ သူတို့က Tour အစီအစဉ်နဲ့ပဲ သွားမယ်ဆိုတော့မှပဲ ပင့်သက်ချနိုင်ပါတော့တယ်..


မြန်မာပြည်ရောက်ပီး တစ်ပတ်လောက်မှာပဲ MD ကြီး ရောက်လာပါတယ်.. အလုပ်ပေါ်လာလို့ Art Director ကတော့ မလာဖြစ်တော့ပါဘူး.. ရောက်ပီး နောက်တစ်နေ့ပဲ ဇော်ဂျီ (FMI Centre ဘေးမှ အနီရောင် လမ်းဘေးဆိုင်) မှာ သွားတွေ့လိုက်တယ်.. တစ်ယောက်ထဲဆိုတော့ ကျွန်တော်လည်း သေချာဧည့်ခံနိုင်တာပေါ့.. ပီးတော့ Tour နဲ့လာတာမို့ ဘယ်မှပိုစရာမလိုတာလဲ သေချာလေတော့ ဘယ်သွားမလဲ ဘာညာနဲ့ လောကွတ်လေး နဲနဲလုပ်လိုက်သေးတယ်.. ဟဲဟဲ.. ဇော်ဂျီမှာ ထိုင်စားနေတုန်း ဘေးကPost Card လာရောင်းတဲ့ ကောင်လေးတစ်ယောက်ဆီက သူအမှတ်တရ တစ်ခု၀ယ်လိုက်သေး.. ဈေးကြီးတယ်ဗျ.. (၂) ဒေါ်လာတောင် တောင်းတယ်..


နောက်တော့ သူလည်း ခရီးဆက်.. ပြန်မဲ့ရက်တော့ ဖုန်းနဲ့ ကျွန်တော့်ကို လှမ်းနှုတ်ပါတယ်.. ကျွန်တော်လည်း ခွင့်ရက်စေ့တော့ ပြန်လာပြီး ရုံးတက်တဲ့နေ့မှာပဲ မြန်မာမားကတ်တင်းဟာ ကျွန်တော်မဟုတ်ပဲ MD ကြီး ဖြစ်သွားပီဆိုတာ သိလိုက်တယ်.. သူရိုက်လာတဲ့ ဓါတ်ပုံတွေပြပီး သေသေချာချာကို ကြွားထားတာပဲဗျ.. MD ကလည်း ပြင်သစ်ဆိုတော့ စလုံးတွေအတွက် ကျွန်တော်က ကိုယ့်နိုင်ငံ ကိုယ့်ဘာသာပြောတာထက်တောင် ထိရောက်ပါတယ်..


သူအရမ်းကြိုက်သွားတာလည်း မပြောနဲ့လေဗျာ.. Tour Company ကစီစဉ်ပေးတာလည်း ကြည့်ဦး.. ရန်ကုန်.. ပုဂံ.. ပီးတော့ တောင်ကြီးနဲ့ အင်းလေး.. ပီးတော့ ငပလီ.. မန္တလေး၀င်ပီး ရန်ကုန်ပြန်လာ.. မမိုက်ပေဘူးလား.. ကိုယ်တောင် ကိုယ့်နိုင်ငံအဲဒီလို မသွားဘူးသေးဘူး..


ခုတော့လည်း ကျွန်တော်တို့ကုမ္ဗဏီမှာပဲ မြန်မာနိုင်ငံ သွားလည်မယ်ဆိုတဲ့ လူတွေ တော်တော်များနေပါပြီ..


အင်း.. ကျွန်တော်ကြားဖူးတာတော့ လူတိုင်းဟာ နေမင်းလမင်းကြီးလို မထွန်းတောက်နိုင်ရင်တောင် ဖယောင်းတိုင်လောက်တော့ ကိုယ့်ပတ်၀န်းကျင်ကို လင်းအောင် ကြိုးစားသင့်တယ်တဲ့.. အဲဒီတော့ မြန်မာနိုင်ငံအတွက် အလင်းခပ်ဖျော့ဖျော့ ဖယောင်းတိုင်တစ်တိုင်တော့ ဖြစ်ခဲ့ပီလို့ ကျွန်တော့ဘာသာတော့ ယူဆတာပါပဲ.. အနည်းဆုံးတော့ ကျွန်တော့ဖယောင်းတိုင်ဟာ post card ရောင်းတဲ့ ကောင်လေးကို နှစ်ဒေါ်လာဖိုးလောက် အလင်းရောင်ပေးနိုင်ခဲ့တာတော့ မျက်မြင်မို့ ကျေနပ်ပီတိဖြစ်ရပါတယ်ဗျာ..


ကျေးဇူးတင်ပါတယ်..


သုတ